بوسقىندار قۇراماسى 2016-جىلعى وليمپيادا ويىندارىنا قاتىسادى

استانا. قازاقپارات - بوسقىندار قۇراماسى 2016-جىلى برازيليادا ريو-دە-جانەيرودا وتەتىن وليمپيادا ويىندارىنا قاتىسادى.

بۇل تۋرالى حالىقارالىق وليمپيادا كوميتەتىنىڭ باسشىسى (ح و ك) توماس باح مالىمدەدى.

- حوك ريوداداعى وليمپياداعا بوسقىندار اراسىنداعى سپورتشىلاردى شاقىرۋ ماسەلەسىن شەشتى.

ولار وليمپيادالىق قالاشىقتا تۇراتىن بولادى جانە وزگە سپورتشىلارمەن بىردەي باسەكەلەرگە قاتىسادى. وسىلايشا ءبىز الەم جۇرتشىلىعىنىڭ نازارىن بوسقىندار ماسەلەسىنە اۋدارعىمىز كەلەدى، - دەپ ءتۇسىندىردى باح.

سونداي-اق گرەكيادا تۇتاندىرىلعان وليمپيادا الاۋىن افينىداعى بوسقىندار لاگەرى ارقىلى الىپ وتەدى. ونىڭ ۇستىنە الاۋ ۇستاۋشى وسى لاگەردە تۇراتىنداردىڭ ءبىرى بولماق، دەپ جازادى lifenews.ru.

ەسكە سالا كەتسەك، ريو-دە-جانەيرو وليمپياداسى 2016-جىلدىڭ 5-21- تامىزى ارالىعىندا وتەدى.