ب ا ق: بەلارۋستا 2016 - جىلى العاشقى ءولىم جازاسى كەسىلدى
دەپ حابارلادى ر ي ا نوۆوستي جەرگىلىكتى ب ا ق- قا سىلتەمە جاساپ.
ۆيلەيكي تۇرعىنىنا ءولىم جازاسىن مينسك وبلىستىق سوتى شىعاردى. ول بۇرىن دا ولىمگە اكەپ سوققان اۋىر دەنە جاراقاتىن سالعانى ءۇشىن سوتتالعان بولاتىن. ك س ر و كەزىندە وعان ادام ولتىرگەنى ءۇشىن اتۋعا ۇكىم شىعارىلعان بولاتىن، الايدا ۇكىمدى جوعارعى ينستانتسيا بۇزدى. ءتيىستى مەرزىمىن وتەگەننەن كەيىن ول بوستاندىققا شىقتى.
وسى جولعى ۇكىم ءالى كۇشىنە ەنگەن جوق، وعان شاعىم بەرىلۋى دە مۇمكىن، دەپ اتاپ وتىلگەن حابارلامالاردا.
بەلارۋس ءولىم جازاسى قولدانىلاتىن ەۋروپاداعى جالعىز ەل. 1996 - جىلى ءولىم جازاسىن الىپ تاستاۋ ماسەلەسى بەلارۋستە جالپىحالىقتىق رەفەرەندۋم تالقىسىنا سالىندى. سول كەزدە وسى جازانىڭ ساقتالۋىن قولداپ، رەفەرەندۋمعا قاتىسقانداردىڭ %80,5- عا جۋىعى داۋىس بەردى. ءولىم جازاسىنىڭ بولۋى بەلارۋستىڭ ەۋروپا كەڭەسى پارلامەنتتىك اسسامبلەياسىنا ارنايى شاقىرىلعان مارتەبەسىن الۋىنا كەدەرگى كەلتىرۋدە.
رەسپۋبليكا باس پروكۋراتۋراسىنىڭ رەسمي مالىمەتتەرى بويىنشا، 2009 جانە 2010 - جىلدارى ەكى- ەكىدەن، 2011 - جىلى - ءۇش، 2013 - جىلى - ءتورت ءولىم جازاسى ۇكىمى شىعارىلعان، 2012 جانە 2014 - جىلدارى مۇنداي ۇكىم بولعان جوق. 2015 - جىلى ەكى ءولىم جازاسى تاعايىندالعان.
