جۇلدىز- جورامال-2016: مەشىن جىلى ءسىز ءۇشىن قانداي بولماق؟

استانا. قازاقپارات - مەشىن جىلىندا ءومىردىڭ ءار سالاسى ءتۇرلى وقيعاعا تولى بولماق.

قازىر كوڭىلىڭىزدەن شىقپاي جۇرگەننىڭ ءبارى: جەكە ءومىرىڭىز، دەنساۋلىعىڭىز بەن قىزمەتىڭىز جاقسى جاققا وزگەرمەك. تەك مۇنى شىن كوڭىلمەن قالاۋ كەرەكتىگى ەسىڭىزدە بولسىن. جۇلدىزنامانىڭ ءار بەلگىسىنىڭ ءوز قۇپياسى بار.

توقتى

 

توقتى جۇلدىزىمەن تۋىلعاندار مەشىن جىلىندا ارتىق ۋايىمسىز، توقشىلىق پەن تۇراقتىلىقتا ءومىر سۇرەدى. دەسە دە، ارتىق شىعىنعا ۇشىراماۋدىڭ جولىن ءبىلىپ، ءار قادامىڭىزعا مەيلىنشە مۇقيات بولعانىڭىز ءجون.

توقتىلار وزدەرىن جۇمىس ورنىندا جاقسى سەزىنسە، ىستەگەن ءىسى دە تابىستى بولماق. ال ول ءۇشىن جۇمىس ورنىن كەز كەلگەن جوباعا قۇلشىنىسپەن كىرىسەتىندەي ءاردايىم شابىت الاتىن ەرەكشە بۇرىشقا اينالدىرىڭىز. بۇل قىزمەت ساتىڭىزدىڭ جوعارىلاپ، الدىڭىزدىڭ اشىق بولۋىنا سەبەپشى بولماق.

مەشىن جىلى وتباسىن جاڭا قۇرعان توقتىلار ءۇشىن توسىنسىيعا تولى بولماق. ولاردىڭ بارلىعى دا تەك ادەمى ەستەلىكتەرىمەن ەسىڭىزدە قالادى. ال ءومىر اعىسى بار سالادا تەك جاعىمدى جاڭالىققا تولى بولسىن دەسەڭىز، جاقىندارىڭىزعا مەيلىنشە كوپ ۋاقىت بولۋگە تىرىسىڭىز.

تورپاق

 

كوپتەن كۇتكەن ماراپاتتاۋ ءساتى دە تۋدى. قىزمەتىڭىزدەگى جاقسى جاڭالىقتار سىزگە تەك قۋانىش سىيلاماق. قولعا العان ىستەرىڭىز وڭىنان بولىپ، ناتيجەسى ويىڭىزدان شىعادى.

جەكە ءومىرىڭىز ءۇشىن قام جەمەۋىڭىزگە بولادى. ايتارلىقتاي قيىندىق نەمەسە كەلەڭسىز وقيعالار ورىن المايدى. ءسىزدى بار بولمىسىڭىزبەن قابىلداپ، جوعارى باعالاۋشىلار قاتارى ارتادى.

دەنساۋلىعىڭىزدى ءاردايىم نازاردا ۇستاڭىز. اس مازىرىنە كوڭىل اۋدارىپ، «اۋرۋ استان» دەگەن قاعيدانى ەسكەرىڭىز. 2016 -جىلى ءومىر باقي ەسىڭىزدە قالار ساياحاتقا اتتانۋىڭىز مۇمكىن.

ەگىزدەر

 

بۇل جۇلدىزبەن تۋىلعاندار قولىنان بىرنارسە كەلمەسە، كوڭىل كۇيى ءتۇسىپ، كۇيزەلىسكە تەز ۇشىرايدى. مەشىن جىلىندا ەگىزدەردى كۇيزەلىسكە ۇشىراتار ساتتەردىڭ ورىن الاتىنى جاسىرىن ەمەس. ءبىراق ولار كەز كەلگەن سىناققا توتەپ بەرۋگە دايىن.

جۇمىس - ەگىزدەر ءومىرىنىڭ نەگىزگى بولىگى جانە ولار اقشا تابۋدىڭ جولدارىن جاقسى بىلەدى. دەسە دە جەكە كاسىپ پەن كۇماندى جوبالارعا كوپ جاقىنداماعان ءجون.

جوعارىدا ايتىلعاندارعا قاراماستان ەگىزدەر ءاردايىم سۇيىكتىلەرى مەن جاقىندارىنىڭ نازارىندا بولىپ، ءتۇرلى سىيلىقتارمەن كوڭىلدەرى كوتەرىڭكى جۇرمەك.

شايان

 

ەگەر شايان جۇلدىزىمەن تۋىلعان جانداردىڭ ەكىنشى جارتىسى بولماسا، ولار ونى جاڭا جىلدا مىندەتتى تۇردە كەزدەستىرەدى. ال وتباسى بار شاياندار كوپتەن بەرى تىنىشتىق بەرمەي جۇرگەن - نەسيە، تۇرعىن ءۇي سىندى ۇلكەن ماسەلەلەرمەن قاتار تۇرمىستىق كيكىلجىڭدەردىڭ دە شەشىمىن تاپپاق.

جاڭا جىلدا بۇل جۇلدىز وكىلدەرى ماتەريالدىق قاجەتتىلىكتەرگە مۇقتاج بولمايدى. دەمەك، قارجىلىق قىسپاقتان قورقۋدىڭ قاجەتى جوق.

باس اۋرۋلارى مەن كوڭىل كۇيدىڭ تۇراقسىزدىعى مازالاسا، ءۇي جانۋارلارى - مىسىق، ءيت جاقسى دوس بولا الاتىنىن ەسكەرىڭىز.

ارىستان

 

2016 -جىلى بۇل جۇلدىزدىڭ تابىس كىلتى كوتەرىڭكى كوڭىل كۇي مەن وزىنە دەگەن قۇرمەتتە بولماق.

وزىڭىزگە ءاردايىم كۇتىم جاساپ، دەنساۋلىعىڭىزعا مۇقيات بولىڭىز. سونداي- اق تىم اسىرەشىلدىككە بارماي، كەز- كەلگەن جاعدايدا سابىرلى، ۇستامدى بولىڭىز. مەشىن جىلى ارىستانداردى ءاردايىم ولاردىڭ جانىنان تابىلىپ، كومەك قولىن سوزاتىن ەرەكشە جانمەن تابىستىرادى.

سەزىمگە تىم بەرىلمەي، اق پەن قارانى اجىراتا ءبىلىڭىز. شىن ءسۇيۋ مەن سۇيىكتى بولۋ وڭاي ەمەستىگىن ۇعىڭىز. ويتكەنى ارىستانداردىڭ تارتىمدىلىعى بۇل جىلى كوپتەگەن جاڭا قاتىناستاردىڭ باستاماسى بولماق.

بيكەش

 

بيكەشتەردى جاڭا ادامدارمەن كەزدەسۋ، قىزىقتى ساياحات كۇتىپ تۇر. دەسە دە، ءوزىڭىز ءۇشىن نەنىڭ ماڭىزدى ەكەنىن بىلگەنىڭىز ءجون. بارلىعىنا بىردەي كۇش تە، ۋاقىت تا جەتپەيتىنىن ەسكەرىپ، الدىڭىزعا ناقتى ماقسات قويىڭىز.

جالعىزباستى بيكەشتەر 2016 -جىلى ارمانىنداعى جاندى كەزدەستىرەدى. ال جۇبى بارلاردىڭ قارىم- قاتىناستارى جاڭا كەزەڭگە وتپەك.

ارتىق سالماقتان ارىلعىسى كەلەتىن بيكەشتەر ءۇشىن قولايلى ۋاقىت تۋادى. دەنە جاتتىعۋلارىمەن مەيلىنشە كوبىرەك اينالىسۋعا تىرىسىڭىزدار. وزدەرىڭىزگە سەنىمدىلىكتەرىڭىز كوپ نارسەگە جول اشپاق.

تارازى

 

2016 -جىلى تارازىلار ءۇشىن باستىسى جۇمىس بولماق. ەگەر تىرىسىپ باقسا، ەڭبەگى جەمىستى بولىپ، كوڭىل قۋانتپاق.

مەشىن جىلىندا ءبىرىنشى ورىنعا جەكە باستىڭ ماسەلەسىن قويۋدىڭ قاجەتى شامالى. ەگەر قانداي دا ءبىر جاعىمسىز بايلانىستار، قارىم- قاتىناستار بولسا، ونىڭ ءبارىن ۇزەتىن كەز كەلدى.

دەنساۋلىققا مۇقيات بولۋ كەرەك. سالاۋاتتى ءومىر سالتىن ۇستانۋدىڭ ماڭىزى زور.

سارىشايان

 

2016 -جىل وزگەرىستەر ۋاقىتى بولماق. ءتۇرلى وقيعالار تولقىنىنا تاپ بولسا دا، سارىشاياندار كەز كەلگەن جاعدايدان جەڭىمپاز بولىپ شىقپاق.

مەشىن جىلىندا وتباسىندا كەلەڭسىزدىكتەر مەن داۋ- دامايلار ورىن المايدى. سارىشاياندار بار ماسەلەنى بايىپپەن، بەيىت شەشپەك.

يممۋنيتەتتى ارتتىراتىن تابيعي ونىمدەردى ءجيى قولدانىڭىز. سوندا 2016 -جىلى اۋرۋ- سىرقاۋ ءسىزدى مازالامايتىن بولادى.

مەرگەن

 

قىزمەتتەگى ەرلىكتەرىڭىز ەلەنبەي قالمايدى. جاڭا جىلدا مەرگەندەر جاڭا جوبالارعا قول جەتكىزىپ، بار كۇش- جىگەرىن سوندا سالماق. تابىسىڭىز شىعىنىڭىزدان الدەقايدا كوپ بولىپ، سونىسىمەن دە ءسىزدى قۋانتپاق.

دەسە دە، تىم جۇمىسباستىلىققا سالىنىپ، جەكە ءومىرىڭىزدى ەستەن شىعارىپ الماڭىز. ويتكەنى ءدال مەشىن جىلى جالعىسباستى مەرگەندەر ءۇشىن ءساتتى بولماق. جۇمىستىڭ ەكىنشى جارتىڭىزدى الماستىرا المايتىنىن ويلاڭىز.

جاڭا جىلدا ساياحاتقا، قىزىقتى ساپارعا اتتانۋىڭىز عاجاپ ەمەس. ونداي مۇمكىندىكتى قۇر جىبەرمەڭىز.

تاۋەشكى

 

قولدا باردى باعالاي بىلگەنىڭىز ءجون. ايتپەسە، بارىڭىزدان ايرىلىپ قالۋىڭىز عاجاپ ەمەس. جۇمىستى شىن كوڭىلمەن جاساڭىز، جاقىندارىڭىزعا كوڭىل ءبولۋدى ەستەن شىعارماڭىز. مۇنىڭ بارلىعى - ءسىزدىڭ بايلىعىڭىز.

جەكە ومىرىڭىزدە قۋانىشقا تولى ءسات كوپ بولماق. ءومىرىڭىزدىڭ ءار مينۋتىنان راحات الا ءبىلىڭىز.

سۇيىكتى ىسىڭىزبەن اينالىسۋدى، اسىرەسە، مەشىن جىلىندا قولعا الىڭىز. بۇل ءسىز ءۇشىن ۋاقىتتى ءتيىمدى وتكىزۋ ءتاسىلى عانا ەمەس، تابىستى كاسىپ كوزى بولۋى دا مۇمكىن.

باۋىر مەن اسقازان اۋرۋلارىنان ساق بولىپ، ۋاقىتىلى دارىگەرگە قارالىپ تۇرىڭىز.

سۋقۇيعىش

 

سۋقۇيعىشتار مەشىن جىلىندا ماقساتتارىن بارىنشا بيىك قويعان سايىن، وعان جەتۋ جولى دا جاقىنداي تۇسپەك. جاڭا جىلدا ارمان- قيالعا بەرىلگىش سۋقۇيعىشتاردىڭ ايى وڭىنان تۋىپ، ءبىراز ارمانىنا قول جەتكىزەدى.

ىشكى تۇيسىگىڭىزگە قۇلاق تۇرە ءبىلىڭىز. كەز كەلگەن ساتتە ماسەلەنىڭ شەشىمىن تابۋعا تۇيسىگىڭىز كومەك بولماق.

جاڭا جىل جاڭا جوبالاردى باستاۋعا قولايلى كەزەڭ بولماق. تيىسىنشە، قارجىلىق قيىندىقتار دا تۋىنداي قويمايدى.

بالىقتار

 

جاڭا جىلدا بالىقتار باسقان ءار قادامىندا جۇلدىزداردىڭ قۋاتىن سەزىنبەك. كەز كەلگەن ىستە تابىس پەن جەڭىس بالىقتار جاعىندا بولادى. دەسە دە، بۇل جۇلدىزبەن تۋىلعان جاندار تاۋەلسىز، ەركىن ءومىر ءسۇرۋدى، تەك وزدەرىنە سەنىم ارتۋدى ۇيرەنگەندەرى ءجون.

2016 -جىل بالىقتار ءۇشىن قۋانىشتى ساتتەرىمەن ەستە قالادى. اسىرەسە، ماحابباتتىڭ قۇشاعىنا ەنگەن جانداردىڭ شۋاقتى كۇندەرى كوپ بولماق.

مەشىن جىلىندا كوپتەگەن جاڭا دوستار كەزدەستىرىپ، ءاردايىم ەلدىڭ نازارىندا بولادى.

 

anabol.kz