بيىل بيۋدجەت كىرىسىنىڭ ارتىعىمەن ورىندالۋى 2016 - جىلعى قارجىلاندىرۋعا كەپىل بولىپ وتىر - ب. سۇلتانوۆ

 استانا. قازاقپارات - بيىل بيۋدجەتتىڭ كىرىس بولىگى ارتىعىمەن ورىندالدى. بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر قارجى ءمينيسترى باقىت سۇلتانوۆ ءمالىم ەتتى.

«كىرىس بولىگىنە توقتالاتىن بولساق، بۇگىندە رەسپۋبليكالىق بيۋدجەت ءجۇز پايىزعا ورىندالدى، ياعني قازىرگى كەزدە ارتىعىمەن ورىندالعانىن كورىپ وتىرمىز. بيۋدجەتتىك كىرىستىڭ ارتىعىمەن ورىندالۋىنىڭ نەگىزگى فاكتورى رەتىندە ەركىن باعام رەجىمىنە كوشۋگە بايلانىستى تەڭگە باعامىنداعى وزگەرىستەر ىقپال ەتتى.

 وسى ورايدا ءبىرىنشى كەزەكتە كورپوراتيۆتى تابىس سالىعى، قوسىلعان قۇن سالىعى بويىنشا اسىرا ورىندالۋىن، سونداي- اق ەكسپورتتىق كەدەندىك باج سالىعى تۇرعىسىندا ءتيىستى كورسەتكىشتەردى بايقاپ وتىرمىز»، - دەدى مينيستر.

ونىڭ سوزىنە قاراعاندا، بۇل كورسەتكىشتەر الداعى جىلدىڭ باسىنداعى قارجىلاندىرۋعا جاقسى كەپىل بولۋدا.

سونىمەن قاتار مينيستر جىل بويىندا جەرگىلىكتى بيۋدجەتتەردىڭ دە كىرىس بولىگى ارتىعىمەن ورىندالعانىن اتاپ ءوتتى. بۇعان مەملەكەتتىڭ، ۇكىمەتتىڭ ەكونوميكالىق ساياساتى ىقپال ەتتى. بۇل تۇرعىدا «نۇرلى جول»، «بيزنەستىڭ جول كارتاسى»، «جۇمىسپەن قامتۋ جول كارتاسى» سەكىلدى ماڭىزدى جوبالار مەن باعدارلامالاردى جۇزەگە اسىرۋ اسەر ەتتى. بۇلاردىڭ بارلىعى جۇمىس ورىندارىن ساقتاۋمەن قاتار، جاڭا جۇمىس ورىندارىن اشۋعا مۇمكىندىك بەردى. بۇل ءوز كەزەگىندە جەرگىلىكتى بيۋدجەتتىڭ تابىسىنا تىكەلەي اسەر ەتەدى.

اۆتور: رۋسلان عابباسوۆ