07:40, 26 - جەلتوقسان 2015 | GMT +5
قىتاي 2016 -جىلى كەدەيلەرگە نازار اۋدارۋدى جوسپارلاۋدا
استانا. قازاقپارات - قىتاي 2016 -جىلى ەلدەگى كەدەيلەر سانىن 10 ميلليونعا دەيىن ازايتۋ مىندەتىن قويدى.
بۇل تۋرالى بەيسەنبى بۇكىل قىتايلىق جۇمىس ماجىلىسىندە حابارلاندى.
ق ح ر مەملەكەتتىك كەڭەسىنىڭ كەدەي اۋداندارعا جاردەمدەسۋ باسقارۋشى توبى كەڭسەسىنىڭ باسشىسى ليۋ يۋنفۋدىڭ ايتۋىنشا، 2016 -جىلى جەرگىلىكتى رەسۋرستاردى يگەرۋ جانە مۇقتاج اۋدانداردا ەكونوميكانى دامىتۋ ەسەبىنەن كەدەيلىكتى جويۋ بويىنشا ءبىرقاتار جوبالار جۇزەگە اسىرىلدى.
2015 -جىلى كەدەيلەرگە جاردەمدەسۋ بويىنشا مىندەتكە قاتىستى ايتا كەلە، ليۋ يۋنفۋ ورتالىق جانە جەرگىلىكتى ۇكىمەتتەر جانە ءتيىستى ۆەدومستۆولار كۇشىنىڭ ارقاسىندا وسى جىلى كەدەيلەر سانىن 10 ميلليونعا ازايتۋ مىندەتى ورىندالادى دەگەن بولجام بار ەكەنىن اتاپ ءوتتى، دەپ حابارلايدى شينحۋا.
