الماتى 2016 -جىلى ءوزىنىڭ مىڭجىلدىعىن اتاپ وتەدى
قالالىق ىشكى ساياسات باسقارماسىنان حابارلاعانداي، بۇل تاريحي وقيعا يۋنەسكونىڭ مەرەيتويلىق اتاۋلى كۇندەر تىزىمىنە ەندى.
الماتى - ەلىمىز تاعدىرىنداعى ەرەكشە قالا. 1929 -جىلدان باستاپ، 70 جىلعا جۋىق ۋاقىت ول قازاق ك س ر- نىڭ، ال 1991 -جىلعى جەلتوقساننان - تاۋەلسىز قازاقستاننىڭ استاناسى بولدى. مۇندا ەلىمىز ومىرىندەگى ماڭىزدى شەشىمدەر قابىلداندى. سوندىقتان دا جاقىنداپ كەلە جاتقان مەرەيتويلىق اتاۋلى كۇن الماتىلىقتار ءۇشىن عانا ەمەس، بۇكىل قازاقستاندىقتارعا دا ماڭىزدى. سونىمەن قاتار، بۇل شارا ورتالىق ازياداعى ءبىرقاتار مەملەكەتتەر تاريحىمەن دە بايلانىستى.
1998 -جىلى استانالىق مارتەبەسىنەن ايىرىلعانىمەن، الماتى ق ر- نىڭ بارلىق قوعامدىق- ساياسي وقيعالارىنا بەلسەنە قاتىسۋدا. قازىردىڭ وزىندە قالادا 2016 -جىلدىڭ باستى وقيعاسى - تاۋەلسىزدىكتىڭ 25 جىلدىعىنا ازىرلىك جۇمىستارى باستالىپ كەتتى. ەلباسى نۇرسۇلتان نازاربايەۆ الدەنەشە رەت اتاپ وتكەندەي، الماتى قازاقستان تاريحىندا ونىڭ تاۋەلسىزدىگىنىڭ التىن بەسىگى بولىپ قالا بەرەدى.
سونداي-اق وڭتۇستىك استانادا 1916 -جىلعى ۇلت-ازاتتىق كوتەرىلىستىڭ جانە «الاشوردا» قوزعالىسىنىڭ ءجۇز جىلدىعى، 1986 -جىلعى جەلتوقسان وقيعالارىنىڭ 30 جىلدىعى، سەمەي پوليگونى جابىلۋىنىڭ 25 جىلدىعى جانە قازاقستاننىڭ كوپتەگەن بەلگىلى تۇلعالارىنىڭ ءىرى مەرەيتويلارى كەڭ كولەمدە اتالىپ وتپەك.
