بالگەر قىتايلىق مىڭجىلدىق كۇنتىزبەنىڭ نەگىزىندە بولجامدار جاساپ، 2016 -جىلى قازاقستاندىقتاردى نە كۇتىپ تۇرعانىن ايتتى
سابينا الداعى مەشىن جىلىندا ەلىمىزدى نە كۇتىپ تۇرعانىن بولجادى.
ونىڭ بولجام جاساۋ جۇيەسى ەنەرگيانىڭ نەگىزىندە قۇرالعان. سەنىم بويىنشا، كوزگە كورىنبەيتىن تسي دەپ اتالاتىن ەنەرگيا ءبىزدى قورشاپ، اركىمگە ءارقالاي اسەر ەتەدى. جىل سايىن ەنەرگيا الماسىپ، ادامدارعا اسەرى دە وزگەرەدى ەكەن.
2016 -جىلدىڭ قوجايىنى - وتتى مەشىن. 4 -اقپاننان باستاپ ول ءوز قۇقىقتارىنا يە بولادى. الداعى جىل وتە قارقىندى ءارى كۇتپەگەن جايتتارعا تولى بولادى دەيدى مامان.
مايمىل - قۋ، ايلاكەر جانۋار بولعاندىقتان، وعان كوڭىل- كۇيى قۇبىلمالى بولۋ، تۇراقتىلىق پەن مورالدىڭ جوق بولۋ ءتان. 2016 -جىلى كوپتەگەن ادامدار وسىنداي تۇسىمەن كوبىرەك كوزگە تۇسەتىن بولادى.
مەشىن جىلىندا كوبىنىڭ وقۋعا ىقىلاسى ويانادى، ادامدار بىلىكتىلىكتى ارتتىرىپ، جاڭا مۇمكىندىكتەر اشۋعا تالپىنادى. تۇرعىندار ءوزىنىڭ ۇيرەنشىكتى جۇمىسىنان جالىعىپ، ءتىپتى قىزمەت سالاسىن اۋىستىرۋعا دەيىن بارۋى مۇمكىن. مۇندايدا جىلدىڭ اسەرىنە ەرىپ كەتە بەرمەي، ىشكى تۇيسىككە قۇلاق اسقان ابزال. ءومىرى ساپارلارمەن بايلانىستى ادامداردى ساتتىلىك كۇتىپ تۇر. شەتەلدە جۇمىس تابۋدىڭ وڭتايلى ءساتى تۋىندايدى. 2016 -جىلدا جاڭا ورىنعا، ءتىپتى وزگە ەلگە كوشۋ جاعداي كوپ بولادى.
مادەني قۇندىلىقتاردى جاساۋدىڭ وڭتايلى جىلى بولماق
مادەني قۇندىلىقتاردى جاساۋدىڭ وڭتايلى جىلى بولماق. تاپقىرلار مەن شىعارماشىلىق ادامدارىنا تابىستى جىل دەسەك تە بولادى. ەڭ باستىسى، كەلەر جىلدا جالقاۋلانباي، ىلگەرى جىلجۋعا بارىڭدى سالۋ كەرەك. ترانسپورت سالاسىنداعىلاردىڭ دا (تاسىمال، لوگيستيكا) باعى جانادى، الايدا مۇنىڭ كولىك ساتۋشىلارعا قاتىسى جوق.
بانك سالاسى، ينجەنەريا، ماشينا قۇراستىرۋ سالاسىنداعىلاردى 2 جىل بويى تومەن كورسەتكىشتەر كۇتىپ تۇر. سونىمەن قاتار جىلجىمايتىن مۇلىك، ساقتاندىرۋ، باسپا ءىسى، قاعازبەن بايلانىستى كاسىپتەردى دە دوڭگەلەتەتىن كەزەڭ ەمەس. وتپەن بايلانىستى كاسىپتەردىڭ تاسى ورگە دومالايدى: مەيرامحانالار، ويىن- ساۋىق سالاسى، مودا، شوۋ- بيزنەس.
ماحابباتتا اباي بولعان ابزال، سەبەبى الداعى جىلى كوبى وزىنە كوڭىلدەس تاباتىن بولادى
ماحابباتتا اباي بولعان ابزال، سەبەبى الداعى جىلى كوبى وزىنە كوڭىلدەس تاباتىن بولادى. بۇعان ەموتسيونالدى تۇرعىدا تۇراقسىزدىق سەبەپ بولماق. 2016 -جىلى كوڭىل كوتەرىپ، ەركىندىككە تالپىنعىسى كەلەتىندەر قاتارى كوبەيەدى. سول سەبەپتى، قاتتى باقىلاۋداعى جۇپتار اراسىندا كيكىلجىڭ تۋادى. تاۋىق جىلىندا نەمەسە قاراشادا دۇنيەگە كەلگەندەردە ەرەكشە تارتىمدىلىق پايدا بولىپ، ولار تەز ارادا ءوز قوساعىن تاباتىن بولادى. الايدا ولار قارىم- قاتىناستا تابىستى كوزدەگەندەردىڭ قۇربانىنا اينالۋى ابدەن مۇمكىن.
كەلەر جىلى قارجى سالاسى وتە تۇراقسىز بولادى. مايمىلدىڭ بۇزاقى مىنەزى جولداعى ايىپپۇل سانىنىڭ ارتۋىنا دا سەبەپكەر بولماق، سول سەبەپتى كولىكتى ابايلاپ جۇرگىزگەندەرىڭىز ابزال.
2016 -جىلى ايلاسىن اسىرعان الاياقتار وزگەلەردىڭ سەنىمىمەن وينايتىن بولادى. ۇرلىق سانى ارتادى. ينۆەستيتسيا ماسەلەسىنە وتە اباي بولعان دۇرىس.
ساياسات سالاسىندا الەم بويىنشا جانجالعا تولى جىل بولماق
ساياسات سالاسىندا الەم بويىنشا جانجالعا تولى جىل بولماق. وتتى مەتالل مايمىلدىڭ جىلى سوعىس پەن كۇرەستىڭ رۋحىنا تولى، وت - جارىلىستاردى بىلدىرسە، مەتالل - قارۋدى بىلدىرەدى. جانجالدار بىرتىندەپ 2017 -جىلى شەشىلە باستايدى، ال 2018 دە ولار توقتاپ، جاعداي تۇراقتانادى. مايمىل جىلىندا اۋە جانە تەڭىزدە اپاتتار كوبەيەدى.
دەنساۋلىق سالاسىندا جۇقپالى اۋرۋلار، تۇماۋ، تىنىس جولدارىنىڭ دەرتتەرى، اللەرگيا، ىشەك اۋرۋلارى بەلەڭ الادى. ارقاسى مەن يىعى اۋىراتىندار كوبەيەدى. مايمىل جىلى سالماق تاستاعىسى كەلەتىندەر ءۇشىن ءساتتى بولادى.
مايمىل جىلىندا تۋىلعاندار نەمەسە قازاندا دۇنيەگە كەلگەندەر ءۇشىن قيىن جىل
مايمىل جىلىندا تۋىلعاندار نەمەسە قازاندا دۇنيەگە كەلگەندەر ءۇشىن قيىن جىل بولماق. سەبەبى جىل يەسى - مايمىل ولاردى ءوزىنىڭ قارسىلاسى دەپ تانيدى.
جولبارىس جىلىندا نەمەسە اقپاندا دۇنيەگە كەلگەندەردىڭ ءومىرى كۇرت وزگەرەدى. بالكىم جۇمىسىن اۋىستىرادى، دوستارىن جوعالتادى، كوشەدى، ءبىر سوزبەن ايتقاندا تىنىمسىز كەزەڭ بولادى.
ءيت جىلىندا تۋعاندارعا نەمەسە قازاندا دۇنيەگە كەلگەندەرگە اۋىر جىل بولادى. مانساپتا جانە ادامدارمەن قارىم- قاتىناستا قيىندىقتارعا كەزىگەدى. ەگەر ولار جازدا تۋىلعان بولسا، قارجىلىق جۇمىستارىن كەيىنگە قالدىرىپ، ينۆەستيتسيا جاساۋعا اسىقپاعانى ابزال.
جىلان جىلىندا جانە مامىردا تۋىلعاندار ءۇشىن ءساتتى جىل. ولاردى الدا جەتىستىكتەر كۇتىپ تۇر.
تۋعان جىلى 4 نەمەسە 9 عا بىتەتىندەردىڭ دە ايى وڭىنان تۋادى. ولارعا ۇلكەن قولداۋ كورسەتىلىپ، جۇمىسى ءساتتى جۇرەدى. جىلان، شوشقا، مەشىن، جولبارىس جىلىندا تۋىلعاندارعا جولدا بارىنشا اباي بولۋ كەرەك، اۋىر جول اپاتىنا ءتۇسۋى ابدەن مۇمكىن.
مەشىن جىلىندا تۋىلعاندار دارىندى، شىعارماشىلىق تۇلعالار بولماق. بۇل جىل بالالاردى دۇنيەگە اكەلۋگە وڭتايلى بولادى.
بۇل تۋرالى Comode قا سىلتەمە جاساپ NUR. KZ حابارلايدى.
