13:44, 19 - جەلتوقسان 2015 | GMT +5
قازاقستان 2016-جىلى «ەۆروۆيدەنيە» بايقاۋىنا قاتىسۋى مۇمكىن
استانا. قازاقپارات - 2016-جىلدان باستاپ «حابار» اگەنتتىگى ەۋروپالىق حابار تاراتۋ وداعىنىڭ اسسوتسياتسيالىق مۇشەسى اتانادى.
بۇل تۋرالى تەلەارنا سايتىندا حابارلاندى.
«ءبىزدىڭ اگەنتتىك - تەليەۆيزيا سالاسىنداعى الەمدەگى ەڭ ءىرى ۇيىمعا ەنگەن قازاقستانداعى العاشقى ءارى جالعىز تەلەكومپانيا. ەندى «ەۆروۆيدەنيە» سىندى مادەني حالىقارالىق جارىستار مەن ەۋروپادا وتكىزىلەتىن ءتۇرلى سپورتتىق شارالاردى «حابار» اگەنتتىگى ەندى ەش كەدەرگىسىز ءوز ەفيرىنەن كورسەتە الادى»، - دەلىنگەن حابارلامادا.
ايتا كەتەيىك، ەۋروپالىق حابار تاراتۋ وداعى 1950-جىلى قۇرىلعان. باستى كەڭسەسى جەنيەۆادا ورنالاسقان. بۇل ۇيىم ەۋروپا، تاياۋ شىعىس، سولتۇستىك افريكا ەلدەرىندەگى 56 مەملەكەتتىڭ جەتپىستەن استام تەلە جانە راديو كومپانيالارى باس قوسىپ، بىرلەسىپ جۇمىس ىستەيدى. ەسكە سالا كەتەيىك، «حابار» اگەنتتىگى ازيا-تىنىق مۇحيت حابار تاراتۋ وداعىنا دا مۇشە بولعان العاشقى قازاقستاندىق ب ا ق وكىلى.
