برازيليا 2016-جىلعى وليمپيادا ويىندارىن تاماشالاعىسى كەلگەن شەتەلدىكتەر ءۇشىن ۆيزاسىز رەجىم ەنگىزەدى
ەل پرەزيدەنتى ديلما رۋسسەفف قول قويعان ءتيىستى بۇيرىق سارسەنبى كۇنى مەملەكەتتىك ب ا ق- تا جاريا ەتىلدى، دەپ حابارلادى «ت ا س س» اگەنتتىگى.
قازان ايىنىڭ سوڭىندا برازيليا پارلامەنتىنىڭ جوعارعى پالاتاسى - فەدەرالدىق سەنات زاڭ جوباسىن ماقۇلداعان بولاتىن، وعان پرەزيدەنت رۋسسەفف قول قويدى.
برازيلياعا ۆيزاسىز كىرۋ قۇقىعىن ەلگە 2016-جىلدىڭ قىركۇيەگىنەن باستاپ، كىرەتىن ازاماتتار 90 كۇندىك مەرزىمگە پايدالانا الادى.
2014-جىلى فۋتبولدان الەم چەمپيوناتى كەزىندە وسىعان ۇقساس باستاما ەنگىزىلگەن بولاتىن، ءبىراق سوندا ونىڭ قىزمەتى ماتچتاردىڭ ەڭ بولماعاندا بىرىنە بيلەتى بولعان تۋريستەرگە قاتىستى تارالدى.
جازعى وليمپيادا 2016-جىلدىڭ 5-21- تامىز ارالىعىندا وتەدى. بۇل وڭتۇستىك امەريكادا وتەتىن ءبىرىنشى وليمپيادا ويىندارى بولماق. پاراليمپيادا 7-18- قىركۇيەك ارالىعىندا وتپەك.
