مينسك 2016 -جىلى ەۋروپالىق وليمپيادالىق كوميتەتتەر باس اسسامبلەياسىن قابىلدايدى
بۇل تۋرالى شەشىم سەنبى كۇنى پراگادا ەۋروپا ەلدەرى ەلۋ ۇلتتىق وليمپيادا كوميتەتتەرى وكىلدەرىنىڭ داۋىس بەرۋى قورىتىندىسى بويىنشا قابىلداندى، دەپ حابارلادى رەسپۋبليكانىڭ ۇلتتىق وليمپيادا كوميتەتى. ە و ك كەزەكتى باس اسسامبلەياسىن وتكىزۋگە سونداي-اق ارمەنيا، مالتا، ماكەدونيا ەلدەرى ۇمىتكەر بولعان ەدى.
«قانداي دا شەكتەۋلەرگە قاراماستان، ءبىز ءارقاشاندا ەۋروپامەن، الەمدىك سپورت ساياساتىمەن بىرگە بولدىق، - دەپ اتاپ ءوتتى بەلارۋس ۇوك ءبرىنشى ۆيتسە- پرەزيدەنتى ماكسيم رىجەنكوۆ. «الداعى فورۋم اياسىندا، دەپ اتاپ كورسەتتى ول، - بەلارۋس ءوزىن سەرپىندى دامىپ وتىرعان ەل رەتىندە كورسەتۋى جانە حالىقارالىق سپورت قوعامداستىعىن ەڭ جوعارى دەڭگەيدەگى سپورتتىق شارالاردى وتكىزۋگە ءازىر ەكەنىنە سەندىرۋى ماڭىزدى».
كەلەسى جىلى ە و ك باس اسسامبلەياسىن وتكىزۋ رەسپۋبليكانىڭ «وليمپيادالىق مۇراتتاردى، سالاۋاتتى ءومىر سالتىن ناسيحاتتاۋعا، دەنە شىنىقتىرۋ مەن سپورتتى دامىتۋعا ءبىرىنشى كەزەكتە كوڭىل بولەتىن ەل رەتىندە الەۋمەتتىك باعدارلانعان مەملەكەت» يميدجى مەن بەدەلىن نىعايتۋعا مۇمكىندىك بەرەدى»، - دەدى بەلارۋس ۇ و ك وكىلى.
رەسپۋبليكالىق ۇوك وكىلى كەلەسى جىلى مينسكىگە حالىقارالىق وليمپيادا كوميتەتىنىڭ پرەزيدەنتى توماس باحتىڭ ساپارى جوسپارلانىپ وتىرعانىن ايتتى. «ول (ح و ك پرەزيدەنتى) ءوزىنىڭ جۇمىس كەسەتەسىنەن تىس ۋاقىتتا بەلارۋسقا كەلۋگە ۋاقىت تاباتىنىن مالىمدەدى» .
كەيبىر مالىڭمەتتەر بويىگشا، توماس باح مينسكىدە بولعان كەزىندە ءوزى وليمپيدالىق ويىنداردا بىرگە ونەر كورسەتكەن اتاقتى بەلارۋس سەمسەرلەسۋشىلەرى الەكساندر رومانكوۆپەن جانە ەلەنا بەلوۆامەن كەزدەسپەك. سوڭعى رەت حوك پرەزيدەنتى بەلارۋستا 1997 -جىلى بولدى، ول كەزدە مينسكىگە حۋان انتونيو سامارانچ كەلگەن بولاتىن.
