يرانعا قاتىستى سانكسيالار 2016 - جىلدىڭ ساۋىرىنە دەيىن تولىق شەشىلمەۋى مۇمكىن

بۇل تۋرالى استاناداعى   «KAZENERGY-2015» ونىنشى ەۋرازيالىق فورۋمى اياسىنداعى باسپا ءسوز ءماسليحاتىندا Vitol Group باسقارما ءتوراعاسى يان تەيلور ءمالىم ەتتى.

«بۇل ۇدەرىس ءبىر كۇندىك شارۋا ەمەس ەكەنى تۇسىنىكتى. بارشا مۇناي سالاسى سانكسيالار (يرانعا قاتىستى) تولىقتاي توقتاتىلۋىن كۇتۋى كەرەك. بۇل تۇرعىدا ب ۇ ۇ راسىمدەرى مەن بانكتىڭ سانكسيالار شەشىلۋى قاجەت، ياعني وسى شارالار اقشانى يرانعا نەمەسە كەرىسىنشە يراننان اۋدارۋ مۇمكىندىگى جاساۋى ءۇشىن كەرەك. وسى ۇدەرىس قاشان اياقتالاتىندىعى تۋرالى ايتۋ قيىنداۋ. وكىنىشكە قاراي، بۇل ماسەلەدە مەن شەشىم قابىلدامايمىن»، - دەدى يان تەيلور.

ونىڭ پايىمىنشا، الداعى جىلدىڭ ءبىرىنشى توقسانى اياعىندا بۇل باعىتتاعى شارالار تولىق ىسكە اسىرىلۋى ەكىتالاي.

«وسى ماسەلەدە يراندىقتار وپتيميستىك كوزقاراستا شىعار، الايدا ناۋرىز- ساۋىرگە دەيىن ناقتى شەشىمدەر ورىن المايتىن سەكىلدى»، - دەدى ول.

Vitol Group - مۇناي جانە مۇناي ونىمدەرىنىڭ ساۋداسىنا نەگىزدەلگەن شۆەيتسارلىق- نيدەرلاندتىق كومپانيا. ول 1966 - جىلى قۇرىلعان. الەمدا اۋقىمى بويىنشا ەكىنشى مۇناي ترەيدەرى بولىپ تابىلادى.

اۆتور: رۋسلان عابباسوۆ