20:04, 20 - تامىز 2015 | GMT +5
ن. نازاربايەۆ 2016 -جىلدان از قامتىلعان وتباسىلارعا جاردەماقىنى ارتتىرۋدى ۇسىندى
استانا. قازاقپارات - بۇگىن اقوردادا نەگىزگى ەكسپورتتاۋشى كومپانيالار باسشىلارىنىڭ قاتىسۋىمەن وتكەن كەڭەستە ق ر پرەزيدەنتى نۇرسۇلتان نازاربايەۆ 2016 -جىلدان از قامتىلعان وتباسىلارعا جاردەماقىنى ارتتىرۋدى ۇسىندى.

«ءبىز ازاماتتىق قىزمەتشىلەردىڭ ەڭبەكاقىسى ۇلگىسىن ەنگىزۋ، اكىمشىلىك- مەملەكەتتىك قىزمەتشىلەردىڭ جالاقىسىن ەنگىزۋ، جاردەماقى مەن شاكىرتاقىنىڭ كولەمىن ارتتىرۋ تۋرالى جاريالادىق. ءبىراق قارجى جەتىسپەگەندىكتەن، ۇكىمەت مۇنى 2017 -جىلعا قالدىردى. قازىرگى جاعدايدا مەن ۇكىمەتكە مۇنى ءبىر جىل بۇرىن ورىنداپ، كەلەسى جىلدىڭ 1 - قاڭتارىنان تولەي باستاۋدى ۇسىنامىن» ، - دەدى ق ر پرەزيدەنتى.
مەملەكەت باسشىسى بۇل ەلدەگى ەكونوميكالىق احۋالدىڭ وزگەرۋىنە بايلانىستى ازاماتتارعا زور قولداۋ بولاتىندىعىن اتاپ ءوتتى.
اۆتور: مارلان جيەمباي