قازاقستاندىق گازەت- جۋرنالداردىڭ ينتەرنەت نۇسقاعا كوشۋى 2016 - جىلى اياقتالادى
بۇل تۋرالى ءسوز بوستاندىعىن زاڭنامالىق رەتتەۋ بويىنشا وتكەن كونفەرەنتسيادا ق ر ينۆەستيتسيالار جانە دامۋ مينيسترلىگى بايلانىس، اقپاراتتاندىرۋ جانە اقپارات كوميتەتى ءتوراعاسىنىڭ ورىنباسارى تالعات قاناعاتوۆ ايتتى.
«بۇگىنگى زاماننىڭ تالابىن ەسكەرە وتىرىپ، مەملەكەت وتاندىق ءداستۇرلى بۇقارالىق اقپارات قۇرالدارىن عالامتور كەڭىستىگىنە شىعارۋ جۇمىستارىن قولعا العان. ماسەلەن، 2014 - جىلى «قازتەلەراديو» بازاسىندا ارنايى جوبا ىسكە قوسىلىپ، جوبا اياسىندا عالامدىق جۇيە بويىنشا 20 عا تارتا وتاندىق ارنالار تاراتىلا باستادى. سونىمەن قاتار، مەملەكەت وتاندىق باسپا ءسوزدىڭ دە ءوز ينتەرنەت رەسۋرستارىن اشۋىنا قارجىلاي دا، تەحنيكالىق تا كومەك كورسەتۋدە. وسى جىلدىڭ اياعىنا دەيىن 400 گە جۋىق گازەتتىڭ ينتەرنەت نۇسقاسى جاسالادى. ال 2016 -جىلدىڭ سوڭىندا بارلىق باسپا ب ا ق تۇرلەرى ينتەرنەت جەلىسىنە شىعارىلادى»، - دەدى ول.
اۆتور: ءابۋ- اسقار مەكەش ۇلى
