يران 2016 - جىلدىڭ ناۋرىزىنا دەيىن بەس سپۋتنيگىن ۇشىرادى
يران 2016 - جىلدىڭ ناۋرىز ايىنا دەيىن بەس سپۋتنيگىن ۇشىرادى. Fars, اگەنتتىگىنە يران عارىش اگەنتتىگى باستىعىنىڭ ورىناسارى حاميد فازەلي بۇكىل الەمدىك عارىش اپتاسىنىڭ اشىلۋ سالتاناتىندا وسىنداي مالىمدەمە جاسادى، دەپ حابارلادى لەنتا. رۋ.
ونىڭ ايتۋىنشا، Zafar، Tolou جانە AUT سپۋتنيكتەرى Simorq زىمىران تاسىعىشىمەن ۇشىرىلماق. Zafar سپۋتنيگى گەوستانتسيونارلىق وربيتادا جەردىڭ بەتىن فوتوسۋرەتكە تۇسىرەدى. قىزمەت اتقارۋ مەرزىمى - ءبىر جارىم جىل. Tolou سپۋتنيگى دە 500 شاقىرىمدىق وربيتادا ديستانتسيالىق زوندتاۋ جۇمىستارىن اتقارادى جانە توپوگرافيالىق سۋرەتتەر جاسايدى. امير كابير تەحنيكالىق ۋنيۆەرسيتەتىندە يراندىق عالىمدارمەن بىرگە جاسالعان AUT سپۋتنيگى مونيتورينگ جاسايدى جانە مالىمەتتەر بەرەدى. ونىڭ قىزمەت ەتۋ مەرزىمى ەكى جىل.
فازەليدىڭ ايتۋىنشا، عارىشتىق اگەنتتىك قىسقا مەرزىمدەگى بولاشاقتا قازر دايارلانىپ جاتقان Sharifsat ي NaHiD سپۋتنيكتەرىن ۇشىرۋعا دايارلاۋدا.
2009 - جىلى يران ءوزىنىڭ العاشقى جەردىڭ جاساندى سپۋتنيگىن دەربەس ۇشىرعان بولاتىن، ودان كەيىن تاعى ەكى سپۋنيكتى ۇشىرۋدى جۇزەگە اسىردى.
