دۇنيەجۇزىلىك كىتاپتىڭ 2016-جىلعى استاناسى تاڭدالدى

استانا. قازاقپارات - پولشانىڭ ۆروتسلاۆ قالاسى 2016 - جىلعى دۇنيەجۇزىلىك كىتاپ استاناسى اتانباق.
None
None

مۇنداي شەشىمدى 24 - ماۋسىمدا پاريج قالاسىندا ب ۇ ۇ-نىڭ ءبىلىم، عىلىم جانە مادەنيەت ماسەلەلەرى جونىندەگى شتاب-پاتەرىندە وتكەن وتىرىس بارىسىندا 24 ساراپشىدان قۇرالعان حالىقارالىق كوميتەت قابىلدادى، دەلىنگەن يۋنەسكو حابارلاماسىندا.

ىرىكتەۋ كوميسسياسى باعدارلاماسى جوعارى ساپالىلىعىمەن ءارى الۋان تۇرلىلىگىمەن ەرەكشەلەنگەنى ءۇشىن ۆروتسلاۆ قالاسىن تاڭداعان. اتاپ ايتقاندا، بۇل باعدارلامادا كوپ ادامنىڭ تارتىلۋىنا، كىتاپ باسىپ شىعارۋ ءىسى، ساتۋ سالالارىنا جانە وڭىرلىك، حالىقارالىق دەڭگەيدەگى كىتاپحانالارعا قولداۋ كورسەتۋگە باسا نازار اۋدارىلعان.

يۋنەسكو-نىڭ باس ديرەكتورى يرينا بوكوۆا قالا تۇرعىندارىن وسى مارتەبەگە يە بولۋلارىمەن قۇتتىقتادى.

«ۆروتسلاۆتاعى ازاماتتىق كوشباسشىلار تاماشا باعدارلاما ازىرلەگەن، ول جىل بويى جۇرتشىلىق قاۋىم اراسىندا كىتاپ وقۋ داعدىلارىن دامىتۋعا ىقپال ەتەتىن بولادى»، - دەدى ول.

باس ديرەكتور سونداي-اق ىرىكتەۋ كوميسسياسىنا «كىتاپتى تاراتۋعا جانە ونى الەمدەگى ءتۇرلى وڭىرلەر قالالارىنىڭ بەيىلدىلىگىن ايقىن كورسەتەتىن جاھاندىق باستاما ارقىلى وقىتۋعا باعىتتالعان قوعامعا پايدالى جۇمىسى ءۇشىن» العىسىن ءبىلدىردى.

سوڭعى جاڭالىقتار