10:12, 08 - ماۋسىم 2014 | GMT +5
يسلام تۋريزمىنىڭ 2016 - جىلعى ورتالىعى انىقتالدى
استانا. قازاقپارات - يسلام ىنتىماقتاستىق ۇيىمى 2016 - جىلعى يسلام تۋريزمىنىڭ استاناسى يەرۋساليم قالاسى بولادى دەپ تاڭدادى، دەپ حابارلادى muslim.kz.
بۇل جايىندا اقپار تاراتقان پالەستينانىڭ ءدىن ىستەرى ءمينيسترى ماحمۇد حاباشتىڭ ايتۋىنشا، بۇل ءيسى مۇسىلمان قاۋىمى مەن حريستياندار ءۇشىن قاسيەتتى سانالاتىن ورىنداردى يزرايل قورشاۋىنان ازات ەتۋگە باعىتتالعان قادام بولىپ تابىلادى.
«ولار يەرۋساليمنىڭ يسلام الەمى مەن اراب مادەنيەتىندە الار ورنىن وشىرگىلەرى كەلگەنىمەن، شاھار ءبارىبىر پالەستينانىڭ ءدىني ءارى ساياسي استاناسى بولىپ قالا بەرمەك. بۇل تاريحي شىندىق»، - دەيدى مينيستر ءوز سوزىندە.
