05:19, 04 - ماۋسىم 2014 | GMT +5
مايا مانەزا 2016 - جىلعى وليمپيالىق ويىنعا قاتىسادى
استانا. قازاقپارات - قازاقستاندىق سپورتشى، اۋىر اتلەتيكا بويىنشا لوندوندا وليمپ شىڭىن باعىندىرعان مايا مانەزا 2016 - جىلى ريو-دە-جانەيرودا (برازيليا) وتەتىن XXXI جازعى وليمپيالىق ويىندارعا قاتىسادى.
بۇل تۋرالى سپورتشى فەيسبۋكتاعى ءوز اككاۋنتىندا حابارلادى.
ول قازىر جاتتىعۋدى كۇشەيتىپ جاتقانىن ايتتى. «مەن قازىر دايىندىق ۇستىندەمىن. قازاقستانعا تاعى ءبىر التىن اكەلگىم كەلەدى!»، - دەپ جازدى مايا مانەزا.
ەسكە سالا كەتەيىك، جوعارى جۇلدەلى مەدالدى ول 2012 - جىلعى لوندوندا وتكەن ويىنداردا جەڭىپ العان. 63 كەلىگە دەيىنگى سالماق ساناتىندا قاتىسقان مانەزا وليمپيالىق رەكورد - 245 كەلى ناتيجەنى كورسەتتى.
