ق ح ر بانكتەرىندە مەرزىمى وتكەن كرەديتتەر كولەمى 2016 - جىلعى ءبىرىنشى توقساندا 213 ميللياردقا دەيىن ارتتى

 استانا. قازاقپارات - 2016 - جىلعى ءبىرىنشى توقساننىڭ اياعىندا قىتاي كوممەرتسيالىق بانكتەرىنىڭ مەرزىمى وتكەن كرەديتتەرىنىڭ كولەمى 9,23- پايىزعا ارتىپ، 1,39 تريلليون يۋاندى ($213 ميلليارد) قۇرادى.

 ق ح ر بانك قىزمەتىن رەتتەۋ كوميسسياسىنىڭ بايانداماسىندا قىتاي كوممەرتسيالىق بانكتەرىنىڭ اراسىندا وتەلۋى ناشار قارىزدىڭ جالپى كورسەتكىشى 2015 - جىلى % 1,67- دان باستاپ، اعىمداعى جىلدىڭ ءبىرىنشى توقسانىنىڭ قورىتىندىسى بويىنشا %1,75- عا دەيىن ءوستى، دەپ حابارلادى ت ا س س.

 «تۇتاستاي تاۋەكەل دەڭگەيى باقىلاناتىن دەڭگەيدە قالادى»، - دەگەن Lianxun Securities ينۆەستيتسيالىق كومپانياسىنىڭ ساراپشىسى فۋ ليچۋننىڭ پىكىرى جۇمادا «تسزينتسزي تسانكاو باو» باسىلىمىندا كەلتىرىلدى.

ول كورسەتكىش ءوسىمىنىڭ نەگىزگى سەبەپتەرى قىتاي ەكونوميكاسىن رەفورمالاۋ ءۇردىسى دەپ سانايدى. فۋ ليچۋن ەگەر قارىزدى ۇلعايتۋ ماسەلەسىن شەشپەسە، وندا قىتاي ەكونوميكاسى كرەديتتىك تاۋەكەلدەرگە ۇرىناتىنىن ايتتى.

باياندامادا كرەديتتەردىڭ مەرزىمى ءوتۋىنىڭ ارتۋ سەبەپتەرىنىڭ ءبىرى قىتاي ەكونوميكاسىنىڭ ءوسۋ قارقىنىنىڭ باياۋلاۋى بولىپ تابىلادى دەلىنگەن. قازىرگى ۋاقىتتا قىتايدا ۇلتتىق ەكونوميكا ءوسىمى قارقىنى بىرتىندەپ باياۋلاۋ ۇستىندە.