18:29, 13 - تامىز 2016 | GMT +5
ريو-2016: ا ق ش التىن مەدال سانىن 20 عا جەتكىزدى
ريو- دە- جانەيرو. قازاقپارات - برازيليانىڭ ريو- دە- جانەيرو قالاسىندا ءوتىپ جاتقان وليمپيادا ويىندارىندا ا ق ش التىن مەدالدار سانىن 20-عا جەتكىزدى، دەپ حابارلايدى ريوداعى قازاقپارات ءتىلشىسى.

بۇگىن وليمپيادانىڭ جەتىنشى كۇنى ا ق ش 20 التىن، 13 كۇمىس، 16 قولا، جالپى 49 مەدال ەنشىلەپ، قىتايدان كوش ىلگەرى اسىپ كەتتى.
ال قىتاي 13 التىن، 10 كۇمىس، 14 قولا جالپى 37 مەدال ەنشىلەپ، 2-ورىندا كەلە جاتىر. ۇزدىك ۇشتىكتى 7 التىن، 9 كۇمىس، 6 قولا جەڭىپ العان ۇلى بريتانيا سپورتشىلارى تۇيىندەپ تۇر.
قازىرگى ەسەپ بويىنشا 63 مەملەكەت ريو وليمپياداسىنىڭ مەدالىنە قول جەتكىزىپ ۇلگەردى.
قازاقستان قۇراماسى 2 التىن، 2 كۇمىس، 3 قولا مەدالمەن بۇگىن جالپى كوماندالىق ەسەپتە 14-ورىندا كەلە جاتىر.
اۆتور: كۇنسۇلتان وتارباي