قازاقستاندا 2016-جىلدىڭ 1- قاڭتارىنان باستاپ ازاماتتىق قىزمەتشىلەردىڭ ەڭبەكاقىسى ۇلعايادى
بۇل تۋرالى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باسپا ءسوز قىزمەتى حابارلادى.
2016-جىلدىڭ 1- قاڭتارىنان باستاپ ەنگىزىلەتىن ازاماتتىق قىزمەتشىلەر ەڭبەكاقىسىن تولەۋ جۇيەسىنىڭ جاڭا ۇلگىسىنە سايكەس، ولاردىڭ لاۋازىمىن بىلىمىنە، بىلىكتىلىگىنە، اتقاراتىن قىزمەتىنىڭ كۇردەلىلىگى مەن دارەجەسىنە قاراي ءتورت ساناتقا ءبولۋ كوزدەلگەن:
اتالعان ۇلگىنى 2016-جىلدىڭ 1- قاڭتارىنان باستاپ ەنگىزۋ ءۇشىن رەسپۋبليكالىق بيۋدجەتتەن قوسىمشا 272,6 ميلليارد تەڭگە، ونىڭ ىشىندە جەرگىلىكتى بيۋدجەتكە ماقساتتى ترانسفەرتتەر رەتىندە 228,8 ميلليارد تەڭگە ءبولىندى.
جاڭا ەرەجە مەملەكەتتىك قىزمەتكەرلەر بولىپ ەسەپتەلمەيتىن مەملەكەتتىك جانە قازىنالىق ۇيىم قىزمەتكەرلەرىنە قاتىستى بولماق.
قازاقستاندا بارلىعى 1 ميلليوننان استام ازاماتتىق قىزمەتكەرلەر بار: مۇعالىمدەر، دارىگەرلەر، مادەنيەت جانە الەۋمەتتىك سالا قىزمەتكەرلەرى، ت. ب.
2016 -جىلدى 1- قاڭتارىنان باستاپ دەنساۋلىق ساقتاۋ سالاسى قىزمەتكەرلەرىنىڭ جالاقىسى ورتاشا العاندا - 28 پايىزعا، ءبىلىم بەرۋ سالاسىندا - 29 پايىزعا، الەۋمەتتىك قورعاۋ سالاسىندا - 40 پايىزعا ارتادى.
اۆتور: جاسۇلان جولدىبايەۆ
