ريو-2016: قازاقستان جالپى ەسەپتە 15-ورىنعا كوتەرىلدى

ريو- دە- جانەيرو. قازاقپارات - بۇگىن برازيليانىڭ ريو- دە- جانەيرو قالاسىندا ءوتىپ جاتقان وليمپيادا ويىندارىندا قازاقستان قۇراماسى جالپى ەسەپتە 15-ورىنعا كوتەرىلدى. بۇل تۋرالى ريوداعى قازاقپارات ءتىلشىسى حابارلادى.
None
None

 تۋرا قازىر ەسەپ بويىنشا ا ق ش 26 التىن 22 كۇمىس، 24 قولا مەدال جەڭىپ الىپ، جالپى ەسەپتە كوش باستاپ تۇر.

ەكىنشى ورىندا 16 التىن، 17كۇمىس، 8 قولا مەدال ەنشىلەگەن ۇلى بريتانيا سپورتشىلارى ۇزدىك ەكىلىكتە بولسا، ۇشتىكتى 15 التىن، 14 كۇمىس، 17 قولا مەدال جەڭىپ العان قىتاي سپورتشىلارى كەلە جاتىر.

ال قازاقستان قۇراماسى 2 التىن، 3 كۇمىس، 5 قولا مەدالمەن جالپى ەسەپتە 15-ورىندا تۇر.

ەسكە سالا كەتەيىك، جارىستىڭ العاشقى كۇنىندە دزيۋدودان ەرلەر اراسىندا 60 كەلىگە دەيىنگى سالماق دارەجەسىندە سىنعا تۇسكەن ەلدوس سمەتوۆ ەل قورجىنىنا كۇمىس جۇلدە سالسا، 48 كەلىگە دەيىنگى سالماقتا ايەلدەر اراسىندا جارىسقا قاتىسقان وتگونسەتسەگ گالبادراح وليمپيادا ويىندارىنىڭ قولا جۇلدەگەرى اتاندى. ال ءۇشىنشى مەدالدى قورجىنعا اۋىر اتلەت فارحاد حاركي سالدى. ول ەرلەر اراسىنداعى 62 كەلىگە دەيىنگى سالماق دارەجەسىندە ونەر كورسەتكەن بولاتىن.

وليمپيادانىڭ ءتورتىنشى كۇنى تاعى ءبىر اۋىر اتلەت قىزىمىز كارينا گوريچيەۆا 63 كەلى سالماقتا ءتورتىنشى مەدالدى ەل قورجىنىنا سالسا، وليمپيادانىڭ بەسىنشى كۇنى ەكى سپورتشىمىز - اۋىر اتلەت نيجات راحيموۆ جانە 200 مەتر قاشىقتىققا جۇزۋدەن دميتري بالاندين ەكەۋى التىن جەڭىپ الدى.

ال وسى كۇنى ايەلدەر اراسىندا سىنعا تۇسكەن اۋىر اتلەت قازاقتىڭ قىزى جازيرا جاپپارقۇل كۇمىس جۇلدەگەر اتانعان ەدى.

كەشە قازاقستان قورجىنىنداعى مەدالدار سانىن ولگا رىپاكوۆا تاعى ءبىر مەدالمەن ياعني، سەگىزىنشى جۇلدەمەن تولىقتىرسا، بۇگىن ۆاسيلي ليەۆيت ءۇشىنشى كۇمىستى جەڭىپ الدى. ال اۋىر اتلەت الەكساندر زايچيكوۆ قولا مەدال جەڭىپ الدى.

اۆتور: كۇنسۇلتان وتارباي

سوڭعى جاڭالىقتار