ريو-2016: قازاقستان مەدال سانى بويىنشا 11- ورىنعا كوتەرىلدى

استانا. ريو- دە- جانەيرو. قازاقپارات - بۇگىن ريو- دە- جانەيرودا ءوتىپ جاتقان 31 - وليمپيادا ويىندارىندا اۋىر اتلەتتەرىمىز نيدجات راحيموۆتىڭ التىنى، جازيرا جاپپارقۇلدىڭ كۇمىسى جانە ءجۇزۋشى دميتري بالانديننىڭ التىنىنان كەيىن قازاقستان قۇراماسى 11- ورىنعا كوتەرىلدى،
None
None

 دەپ حابارلايدى قازاقپارات ءتىلشىسى.

 ريو وليمپياداسىنىڭ كورىگى كۇن وتكەن سايىن قىزىپ كەلەدى. ءدال قازىرگە دەيىن، 51 مەملەكەت وليمپيادا مەدالىن الىپ ۇلگەرگەن. قازاقستان قورجىنىنا بۇگىن تۇسكەن اۋىر اتلەتىمىز نيدجات راحيموۆ، ءجۇزۋشى دميتري بالانديننىڭ التىندارى مەن جازيرا جاپپاقۇلدىڭ كۇمىسىنەن كەيىن 2 التىن، 2 كۇمىس، 3 قولا مەدالمەن 11-ورىنعا كوتەرىلدىك.

 ال ا ق ش التىن مەدالدار سانىن 10 عا جەتكىزىپ، كوش باستاپ كەلەدى. ولاردىڭ ەنشىسىندە 10 التىن، 11 كۇمىس، 10 قولا بار. ەكىنشى ورىندا 10 التىن، 5 كۇمىس، 8 قولا جەڭىپ العان قىتاي قۇراماسى كەلەدى. ال ءۇشىنشى ورىنعا 6 التىن، 1 كۇمىس، 11 قولا مەدالدى يەلەنگەن جاپونيا سپورتشىلارى كوتەرىلدى.

 ەسكە سالا كەتەيىك، جارىستىڭ العاشقى كۇنىندە دزيۋدودان ەرلەر اراسىندا 60 كەلىگە دەيىنگى سالماق دارەجەسىندە سىنعا تۇسكەن ەلدوس سمەتوۆ ەل قورجىنىنا كۇمىس جۇلدە سالسا، 48 كەلىگە دەيىنگى سالماقتا ايەلدەر اراسىندا جارىسقا قاتىسقان وتگونسەتسەگ گالبادراح وليمپيادا ويىندارىنىڭ قولا جۇلدەگەرى اتاندى. ال ءۇشىنشى مەدالدى قورجىنعا اۋىر اتلەت فارحاد حاركي سالدى. ول ەرلەر اراسىنداعى 62 كەلىگە دەيىنگى سالماق دارەجەسىندە ونەر كورسەتكەن بولاتىن. وليمپيادانىڭ ءتورتىنشى كۇنى تاعى ءبىر اۋىر اتلەت قىزىمىز كارينا گوريچيەۆا 63 كەلى سالماقتا ءتورتىنشى مەدالدى ەل قورجىنىنا سالسا، بۇگىن وليمپيادانىڭ بەسىنشى كۇنى ەكى اۋىر اتلەتىمىز نيدجات راحيموۆ پەن قازاقتىڭ قىزى جازيرا جاپپارقۇل 1 التىن، 1 كۇمىس مەدال ولجالاپ، مەرەيىمىزدى ءبىر كوتەرىپ تاستاعان ەدى. كوپ ۇزاماي ءجۇزۋشى دميتري بالاندين 200 مەتر قاشىقتىققا جۇزۋدەن 2:07,46 كورسەتكىشكە قول جەتكىزىپ، ەكىنشى التىن مەدالدى قورجىنىمىزعا سالدى.

اۆتور: كۇنسۇلتان وتارباي

سوڭعى جاڭالىقتار