ريو-2016: ا ق ش جالپى 116 مەدالمەن الدا كەلەدى

ريو- دە- جانەيرو. قازاقپارات - برازيليانىڭ ريو- دە- جانەيرو قالاسىندا ءوتىپ جاتقان وليمپيادا ويىندارىندا ا ق ش جالپى مەدالدار سانىن 116 عا جەتكىزدى، دەپ حابارلايدى ريوداعى قازاقپارات ءتىلشىسى.
None
None

 بۇگىن وليمپيادانىڭ ون بەسىنشى كۇنى ارتتا قالدى. ناتيجەسىندە ا ق ش جالپى مەدالدار سانىن 116-گە جەتكىزىپ، كوش باسىن ەشكىمگە بەرمەي كەلەدى. بۇگىن ولاردىڭ قورجىنى 43 التىن، 37 كۇمىس، 36 قولا مەدالمەن تولىقتى. وسىلايشا، جالپى 116 مەدال ەنشىلەپ، ءبىرىنشى ورىندى ۋىستارىنان شىعارماي كەلەدى.

 ال  ۇلى بريتانيا سپورتشىلارى 27 التىن، 22 كۇمىس، 17 قولا مەدالمەن ەكىنشى ورىندى يەلەنىپ تۇرسا، ۇزدىك ۇشتىكتە كەلە جاتقان قىتاي قۇراماسىنىڭ قورجىنىندا 25 التىن، 18 كۇمىس، 26 قولا مەدال بار.

 قازىر ريو وليمپياداسىنىڭ مەدالىنە قول جەتكىزگەن ەلدەر سانى 88 گە جەتتى. بۇگىن قازاقستان قۇراماسى 3 التىن، 5 كۇمىس. 9 قولا مەدالمەن جالپى ەسەپتە 21-ورىنمەن كەلە جاتىر.

 جالپى قازىرگە دەيىن، 294 التىن، 294 كۇمىس، 350 قولا، جالپى 938 مەدال ساراپقا سالىنىپ، جەڭىمپازدار مەن جۇلدەگەرلەرگە تابىس ەتىلدى.

اۆتور: كۇنسۇلتان وتارباي

سوڭعى جاڭالىقتار