ريو-2016: ا ق ش جالپى مەدالدار سانىن 100 گە جەتكىزدى

ريو- دە- جانەيرو. قازاقپارات - برازيليانىڭ ريو- دە- جانەيرو قالاسىندا ءوتىپ جاتقان وليمپيادا ويىندارىندا ا ق ش جالپى مەدالدار سانىن 100 گە جەتكىزدى، دەپ حارلايدى ريوداعى قازاقپارات ءتىلشىسى.
None
None

 بۇگىن وليمپيادانىڭ ون ءۇشىنشى كۇنى دە تاريح قويناۋىنا كەتتى. ناتيجەسىندە ا ق ش جالپى مەدالدار سانىن 100 گە جەتكىزىپ، كوشباسشىلىقتى وزگە ەلدەرگە بەرەر ەمەس. بۇگىن ولاردىڭ قورجىنى 35 التىن، 33 كۇمىس، 32 قولا مەدالمەن تولىقتى. وسىلايشا، جالپى 100 مەدال ەنشىلەپ ريو وليمپياداسىنىڭ بۇگىنگى رەكوردىن جاسادى.

 ال  ۇلى بريتانيا سپورتشىلارى 22 التىن، 21 كۇمىس، 13 قولا مەدالمەن ەكىنشى ورىندى يەلەنىپ تۇرسا، ۇزدىك ۇشتىكتە كەلە جاتقان قىتاي قۇراماسىنىڭ قورجىنىندا 20 التىن، 16 كۇمىس، 22 قولا مەدال بار.

 قازىر ريو وليمپياداسىنىڭ مەدالىنە قول جەتكىزگەن ەلدەر سانى 82 گە جەتتى. جالپى ەسەپتە كوش سوڭىن 1 قولا مەدالمەن ءۇندىستان قورىتىندىلاپ تۇر.

 بۇگىن قازاقستان قۇراماسى 2 كۇمىس، 1 قولا مەدالعا قول جەتكىزىپ، جالپى ەسەپتە 3 التىن، 5 كۇمىس، 7 قولا جالپى 15 مەدالمەن 20-ورىندا كەلە جاتىر.

 جالپى قازىرگە دەيىن، 242 التىن، 242 كۇمىس، 285 قولا، جالپى 769 مەدال ساراپقا سالىنىپ، جەڭىمپازدار مەن جۇلدەگەرلەرگە تابىس ەتىلدى.

اۆتور: كۇنسۇلتان وتارباي

سوڭعى جاڭالىقتار