تەڭگە 2015 -جىلعى جەلتوقسانداعى كورسەتكىشىنە جەتتى
«قازاقستاندىق ۆاليۋتا ءوزىن جايلى سەزىنەدى. 3 -اقپاندا اياقتالعان وتكەن اپتانىڭ قورىتىندىسى بويىنشا، تەڭگەنىڭ دوللارعا شاققانداعى باعامى 323,85 تەڭگەنى كورسەتتى. بەس كۇندە %0,74 عا نىعايدى، ال قاڭتار ايىندا %2,97 عا قىمباتتاعان. دۇيسەنبى، 6 -اقپان كۇنگى دوللاردىڭ ورتاشا باعامى 321,59 تەڭگەنى قۇراپ وتىر. وسىلايشا، قازاقستاندىق ۆاليۋتا 2015 -جىلعى جەلتوقسان ايىنداعى بۇرىنعى دەڭگەيىنە قايتا ورالدى»، - دەپ اتاپ ءوتتى ا. بودروۆا تىلشىمىزگە بەرگەن سۇحباتىندا.
ونىڭ سوزىنشە، بۇل وتە كەرەمەت كورسەتكىش، ءبىراق ول قازاقستاندىقتاردىڭ كۇندەلىكتى ومىرىنە ەش اسەر ەتە المايدى. مىقتى ۆاليۋتا ساۋدا مەن ساتىپ الۋلارعا اسەر ەتۋى ءۇشىن، حالىقتىڭ كىرىسى سايكەسىنشە جوعارى بولۋى ءتيىس. دەگەنمەن جالاقىنىڭ ءوسۋى جانە ينفلياتسيا قارقىنى تەڭگەنىڭ نىعايعانىن جاۋىپ كەتىپ جاتىر. «تەڭگەنىڭ ەڭ نەگىزگى تىرەۋى - مۇناي. دۇيسەنبى، 6 -اقپان كۇنگى Brent ماركالى مۇناي قۇنى باررەلىنە $56,95 (%0,2+) قۇرادى. مۇناي قۇنى $54-57 ارالىعىندا مىقتاپ بەكىگەن. الداعى اپتاعا ۆاليۋتا باعامىنا قاتىستى بولجامدار تۇراقتى. ا ق ش دوللارى 320-323 تەڭگە ارالىعىندا، ەۋرو 346-349 تەڭگە ارالىعىندا ساۋدالانادى»، - دەپ بولجايدى ساراپشى.
اۆتور: جاسۇلان جولدىبايەۆ
