الەمدەگى 2015 -جىلدىڭ ەڭ تابىستى ءانشىسى انىقتالدى

استانا. قازاقپارات - حالىقارالىق گرامجازبا فەدەراتسياسى 2015 -جىلدىڭ قورىتىندىسى بويىنشا ەڭ تابىستى ءانشىنى اتادى، - دەپ حابارلايدى The Guardian.

اعىلشىن ءانشىسى ادەل رەيتينگتە كوش باستادى. فەدەراتسيا قاراشادا شىققان "25" پلاستيناسى مەن Hello سينگلىنىڭ وزگە مۋزىكانتتاردىڭ جۇمىسىنا قاراعاندا كوپ ساتىلىپتى. تۋىندىلار ساۋدادا دا الەمدىك بىرنەشە رەكوردتى جاڭارتتى.

تىزىمدە ەكىنشى ورىندى  ۇلى بريتانيانىڭ تاعى ءبىر ورىنداۋشىسى ەد شيران الىپ وتىر. ايتا كەتەيىك، ول ءوز اندەرىنىڭ ءسوزىن دە ءوزى جازادى. ءۇشىنشى ورىندا امەريكالىق تەيلور سۆيفت كەلەدى، ول وتكەن جىلى IFPI رەيتينگىندە ءبىرىنشى بولعان ەدى. ولاردان كەيىن كانادالىق پوپ- ءانشى دجاستين بيبەر مەن اعىلشىننىڭ One Direction توبى كەلەدى.

ايتا كەتەيىك، Hello بەينەبايانى ءبىرىنشى بولىپ ميلليارد كورىلىم جيناعان ەدى. ادەلدىڭ جاڭا تۋىندىسى بۇل كورسەتكىشكە 88 كۇن ىشىندە جەتتى، ال كورەيدىڭ PSY ەسىمدى رەپەرىنىڭ Gangnam Style بەينەبايانى 159 كۇندە جەتكەن بولاتىن.