وتكەن 2015-جىلى پايدالانىلعان ەڭ تانىمال قۇپيا سوزدەردىڭ ءتىزىمى جاريالاندى

بۇل تۋرالى vestifinance.ru جازادى.

رەيتينگ تىزىمىنە 2015-جىلى اشىق تۇردە قول جەتكىزۋگە بولاتىن 2 ميلليونعا جۋىق قۇپيا سوزدەر ەنگەن.

رەيتينگتىڭ العاشقى تارماعىن «123456» جانە «password» («قۇپيا ءسوز») قۇپيا سوزدەرى العان. الايدا قۇپيا سوزدەردى ەنگىزۋدە وزگەرىستەر دە بار. مىسالى جەلى پايدالانۋشىلار «letmein» («مەنى جىبەر») جانە «welcome» («قوش كەلدىڭىز») ءسوزىن ءجيى قولدانعان.

سونداي-اق، تىزىمگە العاش رەت «princess» («حانشايىم») ، «login»، «qwertyuiop» (پەرنەتاقتاداعى جوعارعى ارىپتەر) جانە «1qaz2wsx» (پەرنەتاقتانىڭ سول جاعىنداعى 1 مەن 2 سانىنان باستالاتىن تومەنگى بولىك) سيمۆولدارى ەنگەن. رەيتينگىتىڭ العاشقى 25 بولىگىنە «starwars» جانە «solo» سوزدەرى كىردى.

كوپتەگەن قولدانۋشىلار سپورتتىق تەرميندەردى قۇپيا ءسوز رەتىندە ءجيى پايدالانادى ەكەن. مىسالى   football  («فۋتبول») ءسوزى تىزىمدە 7- ورىنعا تۇراقتاعان. ال baseball («بەيسبول» ) قۇپيا ءسوزى 8- ورىننان 9- ورىنعا ءتۇستى.

ال كوپتەگەن الەمدىك ينتەرنەت كومپانيالار ءداستۇرلى قۇپيا سوزدەردى الماستىراتىن جولدى قاراستىرىپ جاتىر. مىسالى Google قۇپيا ءسوزسىز تىركەلەتىن تەحنولوگيانى تەستتەن وتكىزۋدە. بۇل تۋرالى سەرۆيس قولدانۋشىسى، ءارى جاڭا جوباعا قاتىسۋشىلاردىڭ ءبىرى Reddit روحيت پول (Rohit Paul) ايتقان.

kun.kz7