قازاقستاندا 2015-جىلى ەڭ كوپ قويىلعان ەسىمدەر انىقتالدى

استانا. قازاقپارات - قازاقستاندا ەكىنشى جىل قاتارىنان جاڭا تۋىلعان ۇلدارعا ءاليحان ەسىمى كوپ قويىلعان، ال قىز بالالاردىڭ كوبى ايزەرە ەسىمىن يەمدەنگەن، - دەپ حابارلايدى  Tengrinews.kz ءتىلشىسى ق ر ۇلتتىق ەكونوميكا مينيسترلىگىنىڭ ستاتيستيكا كوميتەتىنە سىلتەمە جاساپ.

كوميتەتتىڭ مالىمەتىنشە، 10 ايدىڭ ىشىندە ءاليحان ەسىمى 2977 ۇلعا، ال ايزەرە ەسىمى 5762 قىز بالاعا قويىلعان.

ەر بالالارعا قويىلاتىن ەسىمدەردىڭ ىشىندە ءاليحان، ايسۇلتان، نۇريسلام، ەراسىل، سانجار، ءامىر، نۇراسىل، ارسەن، ءالينۇر، ءالي، ميراس، ارتەم، الديار، ماكسيم جانە ايدىن ەسىمدەرى وتە تانىمال. قىز بالالارعا ايارۋ، رايانا، كاۋسار، ايشا، ءىنجۋ، ءامينا، ايلين، ارۋجان، سوفيا، ايانا، مەدينا، اياۋلىم، الينا جانە سەزىم ەسىمدەرى كوپ قويىلىپتى.

ايتا كەتەيىك، وتكەن جىلى 2798 ءاليحان مەن 6276 ايزەرە دۇنيەگە كەلگەن بولاتىن. بۇل ەسىمدەر بىلتىر دا كوش باستادى.