د. روزەنبليۋم: 2015-جىل ا ق ش پەن قازاقستان قاتىناستارى ءۇشىن ەرەكشە جىل بولدى
وڭىردە ا ق ش ديپلوماتيالىق وكىلدىكتەرى ۇيىمداستىرعان تەلەفون كونفەرەنتسياسى بارىسىندا د. روزەنبليۋم ا ق ش مەملەكەت حاتشىسى وسى جىلى قازاقستان، وزبەكستان، قىرعىزستان، تۇركىمەنستان جانە تاجىكستان سىرتقى ىستەر مينيسترلەرىمەن، ونىڭ ىشىندە نيۋ-يوركتە قىركۇيەكتە جانە «س5+1» فورماتىندا سامارقاندتا قاراشادا بىرنەشە كەزدەسۋى وتكەنىن اتاپ ءوتتى.
«2016-جىلى 2015-جىلى باستالعان جۇمىستى جالعاستىرۋعا مۇمكىندىكتەر كوپ. ءبىز س5+1 فورماتىندا ءومىر ءسۇرۋ ءۇشىن ارىپتەستەرىمىزبەن ىنتىماقتاستىقتى جالعاستىراتىن بولامىز جانە بىرگە جۇمىس ىستەيتىن ناقتى باعىتتاردى ايقىندايمىز. سامارقاندتا كەلىسكەنىمىزدەي، ەكونوميكا، قاۋىپسىزدىك، قورشاعان ورتانى قورعاۋعا بايلانىستى باعىتتار بويىنشا جۇمىستى جالعاستىرمىز»، - دەپ قوستى د. روزەنبليۋم.
دەنيەل روزەنبليۋم - ا ق ش حاتشىسى كومەكشىسىنىڭ وڭتۇستىك جانە ورتالىق ازيا بويىنشا ورىنباسارى. روزەنبليۋم مىرزا ورتالىق ازيانىڭ بەس مەملەكەتىمەن (قازاقستان، قىرعىزستان، تاجىكستان، تۇركىمەنستان، وزبەكستان) ا ق ش- تىڭ ساياسات جانە ديپلوماتيالىق قاتىناستار ماسەلەسىنە جاۋاپ بەرەدى.
