بەيجىڭدە شاڭحاي ىنتىماقتاستىق ۇيىمىنىڭ 2015 - جىلعى جۇمىسى قورىتىندىلاندى - فوتو
«كەلەسى جىلى شاڭحاي ىنتىماقتاستىق ۇيىمى 15 جىلدىعىن اتاپ وتەدى. ۇيىم بەدەلدى حالىقارالىق بىرلەستىككە اينالدى، ونىڭ قۇرامىندا 18 ەل بار»، - دەدى د. مەزەنسيەۆ ءوز سوزىندە.
ونىڭ سوزىنە قاراعاندا، وتكەن جىل ۇيىم ءۇشىن ماڭىزدى بولدى. ۋفا سامميتىندە نەگىزىن قالاۋشى مەملەكەتتەردىڭ پرەزيدەنتتەرى 2025 - جىلعا دەيىنگى ش ى ۇ ستراتەگياسىن بەكىتتى. ۇيىمعا ءۇندىستان مەن پاكىستاننىڭ قوسىلۋ ۇدەرىسى باستالدى، بەلارۋس باقىلاۋشى- مەملەكەت ستاتۋسىنا يە بولدى، ازەربايجان، ارمەنيا، كامبودجا مەن نەپال ديالوگ بويىنشا سەرىكتەس ستاتۋسىنا يە بولدى.
شاراعا قىتايدىڭ حالىقتىق ساياسي كونسۋلتاتيۆتىك كەڭەسىنىڭ بۇكىل قىتايلىق كوميتەت (ن پ ك س ك) ءتوراعاسىنىڭ ورىنباسارى چەن يۋان، ديپلوماتيالىق كورپۋس، حالىقارالىق ۇيىمدار، بيزنەس، ب ا ق، مەملەكەتتىك ورگاندار مەن قىتايدىڭ ساراپشىلار قوعامداستىعىنىڭ وكىلدەرى قاتىستى. قازاقستاندىق دەلەگاتسيانى ق ح ر- داعى ق ر توتەنشە جانە وكىلەتتى ەلشىسى شاحرات نۇرىشيەۆ باسقاردى.
ەسكە سالا كەتەيىك، 2016 - جىلدىڭ 1 - قاڭتارىنان ش ى ۇ باس حاتشىسى راشيد اليموۆ بولادى. ول قازىر قىتايداعى تاجىكستاننىڭ توتەنشە جانە وكىلەتتى ەلشىسى.
