قازاقستان ايدىن ايىمبەتوۆتىڭ عارىشقا ۇشىرىلۋىنا كەتكەن شىعىندى 2015 - جىلعى بيۋدجەتتەن وتەمەك
بۇل تۋرالى بۇگىن ق ر ينۆەستيتسيالار جانە دامۋ مينيسترلىگى ايروعارىش كوميتەتى ءتوراعاسىنىڭ ورىنباسارى مەيىربەك مولدابەكوۆ ءمالىم ەتتى.
«ايدىن ايىمبەتوۆتىڭ ۇشىرىلۋ اقىسى ماسەلەسى شەشىمىن تاپتى. ول اعىمداعى جىلدىڭ بيۋدجەتى ەسەبىنەن تولەنەدى. ماسكەۋدە بۇگىن ونىڭ ۇشىرىلۋىنا قاتىستى اقىنى بيىلعى جىلدىڭ بيۋدجەتى ەسەبىنەن تولەۋ جونىندەگى شەشىم راسىمدەلىپ، قول قويىلادى»، - دەدى ول بۇگىن ورتالىق كوممۋنيكاتسيالار قىزمەتىنىڭ كوشپەلى باسپا ءسوز ءماسليحاتىندا.
ونىڭ ايتۋىنشا، بۇگىن رەسەي استاناسىندا قازاقستان مەن رەسەي ۇكىمەتارالىق كوميسسياسىنىڭ وتىرىسى ءوتىپ جاتىر. ول وتىرىستا عارىش سالاسىنداعى ەكى ەل اراسىنداعى جوبالار دا تالقىلانۋدا.
«بايتەرەك» عارىش كەشەنىنە قاتىستى، قازاقستان مەن رەسەي تاراپتارىنىڭ اتالمىش جوباداعى ۇلەستەرى انىقتالۋدا. قازىرگى ۋاقىتتا ماسكەۋدە ۇكىمەتارالىق كوميسسيانىڭ وتىرىسى وتۋدە. سوندىقتان وسى ماسەلەگە قاتىستى قانداي شەشىم شىعارىلاتىنىن ءبىز ەرتەڭ بىلەتىن بولامىز»، - دەپ اتاپ ءوتتى م. مولدابەكوۆ.
اۆتور: جاسۇلان جولدىبايەۆ
