سانكت-پەتەربورداعى «پەتەرفۋد-2015» كورمەسىندە قازاقستاندىق ونىمدەردىڭ ساپاسىنا جوعارى باعا بەرىلدى - فوتو
كورمەدە قازاقستاندىق وندىرۋشىلەردىڭ ونىمدەرى «KAZNEX INVEST» ا ق- نىڭ بەلسەندى قولداۋىمەن ءبىرىڭعاي ۇلتتىق ستەند فورماتىندا ۇسىنىلدى.
ءونىمى «پەتەرفۋد-2015» كورمەسىندە ۇسىنىلعان «راحات» ا ق- نىڭ سانكت-پەتەربورداعى وكىلى اناستاسيا سىچيەۆانىڭ پىكىرىنشە، قازاقستاندىق كونديتەرلىك ونىمدەر سانكت-پەتەربور، لەنينگراد وبلىسىندا، سونداي-اق رەسەيدىڭ سولتۇستىك-باتىسىنىڭ باسقا قالالارىندا دا ۇلكەن سۇرانىسقا يە.
«سانكت-پەتەربوردا ءبىزدىڭ كومپانيامىزدىڭ ءۇش فيرمالىق دۇكەنى اشىلعان. عالامتور دۇكەنى جۇمىس ىستەۋدە، ءبىزدىڭ وكىلدىگىمىز فەدەرالدىق جانە ايماقتىق ماڭىزى بار جەلىلىك دۇكەندەردە قازاقستاندىق ءونىمنىڭ اسسورتيمەنتىن ارتتىرۋدى جوسپارلاپ وتىر»، - دەپ ءبولىستى ول كومپانيانىڭ تابىستارىمەن.
كورمەدە ءسۇت ونىمدەرىن ۇسىنعان «ليدەر 2010» ج ش س- ءنىڭ ساتۋ بويىنشا ديرەكتورى دميتري رەدكين دە رەسەيلىك تۇتىنۋشىنىڭ قازاقستاندىق ءسۇت ونىمدەرىنىڭ ساپاسىنا جوعارى باعا بەرىپ وتىرعانىن اتاپ ءوتتى.
«قازاقستاندىق كاسىپورىنداردىڭ ءسۇت ونىمدەرى چەليابى، كۋرگان، سۆەدلوۆسك، تۇمەن، سامارا، ورىنبور وبلىستارىندا، سونداي-اق تاتارستان، باشقۇرتستان جانە ماري ەل رەسپۋبليكالارىندا جاقسى تانىلعان»، - دەدى د. رەدكين.
«KAZNEX INVEST» ا ق- نىڭ نوۆوسىبىر قالاسىنداعى باس وكىلى ءانۋار بەيسەكوۆتىڭ تۇسىندىرۋىنشە، وسىنداي كورمەلەرگە كومپانيالاردىڭ ءبىرىنشى تۇلعالارى قاتىسادى، بۇل الەۋەتتى سەرىكتەستەر اراسىندا كەلىسسوزدەر جانە كەلىسىم ۇردىستەرىن ايتارلىقتاي جەڭىلدەتەدى.
