قازاقستاندىق «الەم ارۋى-2015» بايقاۋىندا باعىن سىنايتىن بويجەتكەن ازىرلىگى تۋرالى ايتىپ بەردى - كەسكىن
بۇل تۋرالى ول قازاقپارات اگەنتتىگىنە ايتىپ بەردى.
«مەن ءۇشىن ەلىمدى حالىقارالىق دودادا تانىستىرۋ ۇلكەن مارتەبە. قازىر سپورتتىق سايىسقا، دەفيلەگە، ۇلتتىق كيىم بايقاۋىنا دايىندىققا بارىنشا كىرىسىپ جاتىرمىن. ۇيىمداستىرۋشىلار ءبىر اي بويى قاتىسۋشىلاردى قاتاڭ باقىلايتىن بولادى»، - دەدى ول.
قازاقستاننىڭ ەڭ ادەمى ارۋى شىعارماشىلىق بايقاۋعا دايىنداپ جاتقان ءنومىرى تۋرالى ايتىپ بەردى.
«كونتەمپوراري ستيلىندە ءبي دايىنداپ جاتىرمىن. قازىر شەبەرلىگىمدى شىڭداي ءتۇسۋ ءۇشىن جاتتىعۋ زالىندا، كروسس-فيت، فيتنەس زالدا دايىندالىپ ءجۇرمىن. ءوزىمنىڭ دەمەۋشىم Sherri Hill كيىمدەرىن كيەمىن. ءبىراق ۇلتتىق ناقىشتا ديزاينەر ايدا قاۋمەنوۆانىڭ تىككەن كويلەگىمەن شىعامىن»، - دەدى ول.
جاقىندا عالامتوردا رەگينانىڭ الەمدىك دوداعا دايىندىعى تۋرالى بەينە تانىستىرىلىمى جارىق كوردى. بەينەروليكتە رەگينا قازاقستاننىڭ كوركەم جەرلەرىن تانىستىرىپ، ءوزىنىڭ بولاشاققا دەگەن جوسپارىمەن ءبولىستى.
«الەم ارۋى-2015» بايقاۋى قىتايدىڭ حاينان ارالىندا 19- جەلتوقساندا وتەدى.
اۆتور: گۇلميرا عوسمانالي
