اتىراۋدا «دوستىق ارۋى-2015» بايقاۋى ءوتتى
شارانى وبلىستىق جاستار ساياساتى ماسەلەلەرى بويىنشا باسقارما مەن اتىراۋ قالاسىنىڭ جاستار رەسۋرستىق ورتالىعى ۇيىمداستىردى.
«بايقاۋعا قازاق، ورىس، ازەربايجان، تاتار، تۇرىك، كورەي، بەلارۋس، ۋدمۋرت جانە وزبەك ۇلتىنىڭ 12 قىزى قاتىستى. ولار 2015-جىلدىڭ دوستىق ارۋى اتاعى ءۇشىن تالاستى. الايدا بايقاۋ دوستىق، بەيبىتشىلىك جانە كەلىسىم مەرەكەسىنە اينالدى. قاتىسۋشىلاردىڭ ءارقايسىسى ونەرىن كورسەتىپ، جيىلعانداردى ءوز ۇلتىنىڭ داستۇرلەرىمەن تانىستىردى. قاتىسۋشىلاردىڭ بارلىعى مەملەكەتتىك ءتىلدى قانشالىقتى مەڭگەرگەندەرىن كورسەتتى»، - دەدى وبلىستىق اكىمدىكتىڭ باسپا ءسوز قىزمەتىندە.
4№ وبلىستىق ساناتورلىق-ساۋىقتىرۋ مەكتەپ-ينتەرناتىنىڭ ادىسكەرى، بەلارۋس ۇلتىنىڭ وكىلى اسەمگۇل ستومما ۇزدىك اتاندى. كاسپي ماڭى زاماناۋي كوللەدجىنىڭ ستۋدەنتى ۋدمۋرت ۇلتىنىڭ وكىلى ناتاليا ميحايلوۆا ەكىنشى، ق. دۇتبايەۆا اتىنداعى گۋمانيتارلىق كوللەدج ستۋدەنتى ازەربايجان ۇلتىنىڭ وكىلى مينۋرا ءجۇنىسوۆا ءۇشىنشى ورىنعا يە بولدى.
