الماتىدا «الماتى-انتيتەررور-2015» وقۋ-جاتتىعۋى ءوتتى - فوتو
بۇل تۋرالى الماتى قالاسى ت ج د باسپا ءسوز قىزمەتىنەن حابارلادى.
وسىعان بايلانىستى «گازپرومنەفت» مۇناي قويماسى مەن بورالداي كەنتىندە ورنالاسقان اۋەجاي وقۋ-جاتتىعۋ شاراسىنىڭ باستى نىساندارىنا اينالدى.
تونگەن قاۋىپ-قاتەر تۋرالى حابار كەلىپ تۇسىسىمەن-اق، جۇمىلدىرىلعان ۆەدومستۆولاردىڭ جەكە قۇرامى تەز ارادا قاۋىپ تونگەن نىساندى قورشاۋعا الىپ، تۇرعىنداردى قاۋىپتى ايماقتان قاۋىپسىز جەرگە كوشىردى. ودان كەيىن كەلىسسوز جۇرگىزەتىن توپ ءوز جۇمىستارىنا كىرىستى.
الماتى قالاسىنىڭ ت ج دەپارتامەنتى ورتكە قارسى قىزمەتىنىڭ قىزمەتكەرلەرى مۇناي بازاسىندا ورىن العان شارتتى ءورتتى «پۋرگا-5» ءورت سوندىرگىش قۇرالىمەن ءسوندىردى.
بۇگىنگى وقۋ-جاتتىعۋدىڭ نەگىزگى ماقساتى - بۇلىك شىعارعىش لاڭكەستىك ۇيىمداردىڭ قىلمىستىق ارەكەتتەرىنىڭ الدىن الۋ جانە ولاردى بولدىرماۋ بارىسىندا ءتيىستى قىزمەتتەردىڭ ءوزارا بىرلەسىپ جۇمىس اتقارۋ مەحانيزمدەرىن جەتىلدىرۋ، سونداي-اق تەررورلىق جاعدايلارعا وسالدىق تانىتاتىن نىسانداردا لاڭكەستىك قاۋىپ-قاتەر تۋىنداعان جاعدايدا بىرلەسىپ جۇمىس اتقاراتىن قىزمەتتەردىڭ دايىندىعىن پىسىقتاۋ.
«الماتى-انتيتەررور-2015» وقۋ-جاتتىعۋ شارالارى اياسىندا جەكە قۇرامنىڭ 800 ادامى، 50 دەن اسا اۆتوكولىك جانە ارنايى تەحنيكا مەن 2 تىكۇشاق جۇمىلدىرىلدى.
وسى جاتتىعۋلارعا الماتى قالاسىنىڭ ت ج دەپارتامەنتى جەكە قۇرامىنىڭ 40 ادامى مەن 12 تەحنيكاسى قاتىستى.
ايتا كەتەلىك، اعىمداعى جىلى الماتى قالالىق جەدەل شتابى قىزمەتىنىڭ لاڭكەستىك ارەكەتتەرگە قارسى 9 وقۋ-جاتتىعۋ شاراسى وتكىزىلدى. ولاردىڭ ىشىندە كوماندالىق- شتابتىق جاتتىعۋ -1، جەدەل-تاكتيكالىق جاتتىعۋ - 2، جەكە ماشىقتانۋ - 4، جەدەل ساراپتاما - 2 جانە ساراپتامالىق جاتتىعۋ -1 رەت بولدى.
سونىمەن قاتار، وسى جىلى قالالىق ءوزارا بىرلەسىپ حابار تاراتۋ كەزەكشى قىزمەتتەرىنىڭ جۇمىستارىن تەكسەرۋدە 13 جەدەل ساراپتاما جۇمىستارى ۇيىمداستىرىلدى.
