الماتىدا بۇگىن «التىن جۇرەك 2015» سىيلىعىنىڭ لاۋرەاتتارى بەلگىلى بولادى
بۇل تۋرالى «باۋىرجان» قايىرىمدىلىق قورىنىڭ باسپا ءسوز قىزمەتى حابارلادى.
وندا قازاقستاننىڭ قايىرىمدىلىق سالاسىنداعى العاشقى بەدەلدى «التىن جۇرەك 2015» سىيلىعىنىڭ لاۋرەاتتارى بەلگىلى بولادى.
قايىرىمدىلىق سىيلىعىنىڭ ماراپاتتاۋ ءراسىمى الماتى قالاسىنىڭ اكىمى باۋىرجان بايبەكتىڭ قاتىسۋىمەن وتەدى.
شارانى «باۋىرجان» قايىرىمدىلىق قورى «نۇر وتان» پارتياسىنىڭ قولداۋمەن ۇيىمداستىرادى. بۇل كەشكە «التىن قىران» كومپانيالار توبى مەن «ForteBank» ا ق ارىپتەس بولىپ وتىر.
بيىلعى جىلى «دوم» قايىرىمدىلىق قورىنىڭ ۇسىنۋىمەن قازاقستان پرەزيدەنتى نۇرسۇلتان نازاربايەۆ سىيلىقتىڭ «جىلدىڭ قايىرىمدى ادامى» اتالىمى بويىنشا قاتىسۋدا. وزگە دە اتالىم يەلەرى قاتارىندا العاشقى بالالار حوسپيسىن ۇيىمداستىرۋشى ناگيما پلوحيح، ك ت ك تەلەارناسىنىڭ «دوروگا دوموي» جوباسى، Samsung Central Asia كومپانياسى، 11 بالانىڭ اكەسى مۇرات قابىلبايەۆ، «رودينا» اگروفيرماسى، قازاقستانداعى العاشقى Training Cafe ۇيىمداستىرۋشىسى اننا قۇدياروۆا جانە دە شەتەلدىك ازامات، تاراز قالاسىندا جەتىمدەرگە باسپانا اشقان ۆيكتوريا شاربونە، تاعى دا باسقالارى بار.
Turkvision-2014 بايقاۋىنىڭ جەڭىمپازى جانار دۇعالوۆانىڭ اسەم داۋىسىمەن شىرقالعان انىمەن كەش سالتاناتتى تۇردە اشىلىپ، قازاقستاندىق ەسترادا جۇلدىزدارىنىڭ قاتىسۋىمەن وتەدى. كەش قوناقتارى قاتارىندا دومبىراشى اسىلبەك ەڭسەپوۆ، ق ر حالىق ءارتىسى نۇرجامال ۇسەنبايەۆا، سكريپكاشى ءجاميلا سەركەبايەۆا، MEZZO توبى جانە باسقالار ونەر كورسەتەدى.
سونىمەن قاتار كەلۋشىلەرگە ارنايى سوڭعى جىلداعى مەيىرىمدى جانە قايىرىمدى ىستەرمەن تانىستىراتىن «100 قايىرىمدى ءىس» اتتى فوتوكورمەسى ۇيىمداستىرىلادى.
«التىن جۇرەك» - بۇل ورتالىق ازياداعى جانە قازاقستاندىق قايىرىمدىلىق سالاسىنداعى العاشقى جانە قازىرگى بىردەن-ءبىر بەدەلدى سىيلىق بولىپ تابىلادى. سىيلىق ۇيىمداستىرۋشىلارى «باۋىرجان» قايىرىمدىلىق قورى جىل بويىنا رەسپۋبليكا بويىنشا «قازاقستاننىڭ التىن جۇرەگى» اتانۋعا لايىق قايىرىمدى جانداردى ىزدەستىردى.
سىيلىقتىڭ ۇيىمداستىرۋ كوميتەتىنىڭ بەرگەن مالىمەتتەرىنە سۇيەنسەك، 2015-جىلى رەسپۋبليكادا جالپى 12 ميلليارد تەڭگە كولەمىندە قايىرىمدىلىق جۇزەگە اسىرىلعان. قازاقستانداعى قايىرىمدى ادامدار مەن ەرىكتىلەردىڭ كومەگىمەن 6 سپورتتىق مەكتەپ، 5 بالاباقشا سالىنىپ، 5 جالپى ءبىلىم بەرەتىن مەكتەپكە، 4 مۇگەدەك بالالارعا ارنالعان بالاباقشاعا، جاعدايى تومەن وتباسىنىڭ بالالارىنا ارنالعان 2 لاگەرعا جوندەۋ جۇمىستارى جۇرگىزىلدى، 8 كومپيۋتەرلىك سىنىپ پەن 5 ەمحانا قۇرال-جابدىقتار مەن قامتىلدى، جاعدايى ناشار وتباسىنان شىققان 1000 بالا وقۋعا دايىندالدى، ۇ و س 25 ارداگەرىنىڭ پاتەرلەرىنە جوندەۋ جۇمىستارى جۇرگىزىلدى جانە الماتىنىڭ سەل بولعان ايماقتارىنا 7 كۇن بويىنا اسحانالاردا ەرىكتىلەر 5 مىڭداي ادامدى كۇنىنە ەكى ۋاقىت تاماقتاندىردى.
