04:31, 20 - قازان 2015 | GMT +5
سپورت اكادەمياسىنىڭ ستۋدەنتى «سەمەي ارۋى-2015» اتاعىن جەڭىپ الدى - فوتو
استانا. قازاقپارات - «سەمەي ارۋى-2015» اتاعىن 22 جاستاعى جاننا اكىموۆا جەڭىپ الدى، - دەپ حابارلايدى Tengrinews.kz ءتىلشىسى.
بويجەتكەن الماتىداعى سپورت اكادەمياسىنىڭ ستۋدەنتى. سەمەيدىڭ ۆيتسە-ارۋى اتاعىن ساراتوۆ مەديتسينالىق ۋنيۆەرسيتەتىنىڭ ستۋدەنتى ايدا قۇرمانعاجينوۆا السا، ەكىنشى ۆيتسە- ميسس اتاعى ديدارا بورانعاليەۆاعا بۇيىردى.
«ىڭكار سەزىم» ءسان اگەنتتىگىنىڭ ديرەكتورى اينا توعىسوۆانىڭ ايتۋىنشا، كونكۋرس ءتورت كەزەڭنەن تۇرعان. فينالعا قاتىسۋشىلار قازاقستاندىق ديزاينەر جاننا بايمۇراتوۆا تىككەن ۇلتتىق كيىمدەرمەن ءسان ۇلگىسىن كورسەتكەن. سونىمەن قاتار، سەمەي ارۋلارى كەشكە كيۋگە ارنالعان كويلەكتەرمەن حورەوگرافيالىق قويىلىم قويعان.
