جاۋىنگەرلىك ازىرلىكتىڭ «ايبالتا-2015» اۋقىمدى تەكسەرىسى اياقتالدى - فوتو
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
داعدارىستىق اۋداندا بىرلەسكەن ارنايى اسكەري وپەراتسيانى دايىنداۋ جانە جۇرگىزۋ 6 كەزەڭگە ءبولىندى.
ءبىرىنشى كەزەڭدە اسكەري قىزمەتشىلەر اسكەرلەردىڭ بىرىككەن توپتاماسىن جاۋىنگەرلىك ازىرلىككە كەلتىرۋدى پىسىقتادى. سودان كەيىن جاۋاپكەرشىلىكتىڭ بەلگىلەنگەن ايماقتارىندا اسكەرلەر توپتاماسىنىڭ قۇرىلۋىن دايىنداۋدى، ىشكى قارۋلى شيەلەنىستى وقشاۋلاۋ جانە بۇلتارتپاۋ جونىندە ارنايى وپەراتسيانىڭ جوسپارلانۋى مەن ورىندالۋىن جۇرگىزدى.
وقۋ-جاتتىعۋ اۋقىمدى بولعاندىقتان، تاكتيكالىق تاپسىرمالاردى ورىنداۋ نىسانىندا «توتەنشە جاعداي» رەجىمىن قامتاماسىز ەتۋ قيسىندى جالعاسىن تاپتى جانە زاڭسىز اسكەري قۇرالىمنىڭ ءىرى جاساعىن بۇعاتتاۋ مەن جويۋ جانە اسكەرلەردىڭ جاڭا داعدارىستىق اۋدانعا قايتا توپتاسۋى سەكىلدى ساتتەر نەگىزگى ساتتەردىڭ ءبىرى بولدى.
«ق ر ق ك جوعارعى باس قولباسشىسى كەنەتتەن تەكسەرۋ پراكتيكاسى ۇدايى نەگىزدە جالعاسىپ تۇراتىنىن بىرنەشە مارتە راستادى. كەشەندى شارالار، كەشەندى تەكسەرىستەر تۋرالى ءسوز بولعاندىقتان، وسى جاعدايدا بارلىق ارنالار ىسكە قوسىلادى، ياعني، ارالاس سۇراقتار بويىنشا قورعانىس ۆەدومستۆاسى مەن وزگە دە ۆەدومستۆالاردىڭ ءبىر ىزدىلىگى»، - دەپ اتاپ ءوتتى وقۋ-جاتتىعۋ بارىسىندا ق ر قورعانىس ءمينيسترى يمانعالي تاسماعامبەتوۆ.
«ايبالتا-2015» وقۋ-جاتتىعۋىنىڭ ەرەكشەلىگىنىڭ ءبىرى اسكەري قىزمەتشىلەر جاۋىنگەرلىك ءىس-قيمىلدار ورنىنا قۇرامداستىرىلعان مارشپەن، اۋە جانە تەمىرجول كولىگىمەن، سونداي-اق كۇردەلى وتىلەتىن باعدارلارمەن كەلۋى بولىپ تابىلادى. ال باتالون كومانديرلەرى شىنايى جاعدايدا بولىمشەلەردى باسقاردى جانە وزدىگىنەن شەشىم قابىلدادى.
بۇل كاسىبي تۇرعىدا وقىپ-ۇيرەتىلگەن وفيتسەرلەر كورپۋسىن قالىپتاستىرۋ ءۇشىن وتە قاجەت. ءىس-شارا بىردەن بەس وبلىستا، ياعني، شىعىس قازاقستان، الماتى، جامبىل، وڭتۇستىك قازاقستان جانە باتىس قازاقستان وبلىستارىندا وتكەنىن ايتا كەتكەن ءجون. وندا 10000 اسكەري قىزمەتشى، قۇرلىق اسكەرلەرىنىڭ 20 دان استام بولىمشەسى، 2000-نان اسا بىرلىك تەحنيكا تارتىلدى. مۇنداي تەكسەرىستەردى وتكىزۋ اسكەرلەردىڭ دالالىق داعدىسىن ارتتىرۋ ىسىندەگى كەزەكتى قادام.
