بيىل 2015 -جىلعى مەملەكەتتىك ءبىلىم گرانتتارى يەگەرلەرىنىڭ ءتىزىمى جاريالاندى

ەلىمىزدىڭ بارلىق وڭىرىندەگى جۇرتشىلىق اسىعا كۇتىپ وتىرعان ءبىلىم گرانتتارى يەگەرلەرىنىڭ ءتىزىمىن مىنا جەردەن وقي الاسىزدار.

وسىلايشا، مەملەكەتتىك ءبىلىم گرانتتارىنىڭ يەلەرىن انىقتايتىن كوميسسيا 2015-2016 وقۋ جىلىنا بولىنگەن 32168 گرانت يەگەرلەرىن تولىق انىقتادى.

گرانتتىڭ 500 ى جوعارى وقۋ ورىندارىنىڭ دايىندىق بولىمدەرىنە بەرىلسە، 29668 گرانت 1 -كۋرسقا وقۋشىلار قابىلداۋعا ارنالدى. سونىڭ ىشىندە كۇندىزگى وقۋ بولىمىنە - 29168, سىرتتاي ءۇشىن 500 گرانت بەرىلدى. ءبىلىم گرانتتارىن قابىلداۋ قۇقىعىن كونكۋرس جولىمەن انىقتالعان 60 جوعارى وقۋ ورنى جەڭىپ الدى.

كورسەتىلگەن باسىمدىقتار ەسەبىمەن 12600 گرانت - تۇلەكتەردى تەحنيكالىق جانە تەحنولوگيالىق، 6000 عا جۋىق گرانت - پەداگوگيكالىق، 2690 گرانت اۋىل شارۋاشىلىعى جانە مال شارۋاشىلىعى ماماندىقتارى بويىنشا وقىتۋعا ءبولىندى.

ەسكە سالا كەتەيىك، 2015 -جىلى ءبىلىم گرانتتارىن الۋعا 67377 تۇلەك قاتىستى. ولاردىڭ 53162 سى - قازاق، 14215 ورىس مەكتەپتەرىن بىتىرگەن.

سول سياقتى «ماڭگىلىك ەل جاستارى - يندۋسترياعا!» جوباسى شەڭبەرىندەگى كۆوتانى الۋ ءۇشىن تالاسقا 6457 مەكتەپ ءبىتىرۋشى ۇمىتكەر بولدى. كونكۋرسقا «التىن بەلگى» توسبەلگىسىنىڭ 2116 يەگەرى اتسالىستى. بۇلاردان بولەك، ۇمىتكەرلەر اراسىندا نازاربايەۆ زياتكەرلىك مەكتەپتەرىنىڭ 1255 تۇلەگى، جالپى ءبىلىم بەرەتىن پاندەر بويىنشا حالىقارالىق جانە رەسپۋبليكالىق وليمپيادالاردىڭ 163 جەڭىمپازى، جالپى ءبىلىم بەرەتىن پاندەر حالىقارالىق جانە رەسپۋبليكالىق عىلىمي جارىستاردىڭ 930 جەڭىمپازى، رەسپۋبليكالىق جانە حالىقارالىق سپورت جارىستارىنىڭ 816 جەڭىمپازى، پرەزيدەنتتىك وليمپيادانىڭ 6 جەڭىمپازى بار. ولاردىڭ ءبارى ءبىلىم بەرۋ گرانتىن تاعايىنداۋ كەزىندە باسىمدىلىقتار الدى.

كونكۋرسقا قاتىساتىندار اراسىندا سونداي-اق 483 جەتىم بالانىڭ I جانە II توپتارداعى 341 مۇگەدەكتىڭ بار ەكەنى اتاپ كورسەتىلگەن. سول سياقتى سوعىسقا قاتىسۋشىلارعا تەڭەستىرىلگەن جەڭىلدىكتەر مەن كەپىلدىكتەر بويىنشا 20 تالاپكەر كونكۋرسقا ءتۇستى. بۇدان بولەك، قازاقستان رەسپۋبليكاسىنىڭ ازاماتى بولىپ تابىلمايتىن قازاق ۇلتىنىڭ 1190 وكىلىنە كۆوتا قارالدى.