تانك بياتلونى-2015: قازاقستاندىق تانكىشىلەر قىرعىزستان جانە كۋۆەيت ەكيپاجدارىمەن ءبىر توپتا ونەر كورسەتەدى - فوتو
جەرەبە ناتيجەسى بويىنشا تانكىشىلەرىمىز قىرعىزستان جانە كۋۆەيتتىڭ تانكتى ەكيپاجدارىمەن بىرگە ونەر كورسەتەتىن بولدى، دەپ حابارلايدى ق ر ق م باسپا ءسوز قىزمەتى.
«ءداستۇر بويىنشا ەكيپاجدار ءارتۇرلى تۇستەگى تانكتەردە ونەر كورسەتەدى. كوماندامىز وسى جىلى جاسىل تانكتەردە ءتورتىنشى بولىپ شىعادى. ءبىز ونەرىمىزدى پاش ەتەتىن تەحنيكانى قابىلداپ الدىق، تانكتەردى شولىپ وتتىك، باعداردى زەردەلەدىك. جارىستا ءارتۇرلى كەدەرگىلەردى ەڭسەرۋ جانە جاۋىنگەرلىك وق اتۋلارى بار ءتورت نەگىزگى قاشىقتىق كوزدەلگەن» - دەدى ق ر ق ك قۇرلىق اسكەرلەرى باس قولباسشىسىنىڭ ورىنباسارى ءامىر حاليكوۆ.
بارلىق قاتىسۋشىلار لايىقتى قارسىلاستار، قازاقستاندىق قۇرامانىڭ ەڭ مىقتى قارسىلاسى رەسەي مەن قىتايدىڭ تانك ەكيپاجدارى بولىپ تابىلادى. الايدا، تانكىشىلەرىمىز وزدەرىنىڭ دايىندىقتارىنا نىق سەنىمدى جانە ولارمەن ءبىرىنشى ورىنعا كۇرەسۋگە ءازىر.
«تانك بياتلونى-2015» 1-15- تامىز ارالىعىندا ماسكەۋ وبلىسىنىڭ «الابينو» وقۋ-جاتتىعۋ ورتالىعىندا وتەتىنىن ايتا كەتەيىك. وعان 13 مەملەكەتتىڭ قارۋلى كۇشتەرىنىڭ تانك ەكيپاجدارى قاتىسادى، ونىڭ ىشىندە تاجىكستان مەن نيكاراگۋانىڭ اسكەري قىزمەتشىلەرى سايىسقا العاش رەت قاتىسپاق.
ءبىزدىڭ تانكتى ەكيپاجدارىمىزدىڭ بياتلونعا قاتىسۋدا ۇلكەن تاجىريبەسى بار. وتكەن جىلى جالپى كوماندالىق سىناقتا ولار قىتايدان كەلگەن تانكىشىلەردى شاڭ قاپتىرىپ، ەكىنشى ورىندى يەلەنگەن بولاتىن.
