قازاقستاننىڭ اسكەري- اۋە كۇشتەرىنىڭ ەكيپاجدارى «اۆيادارتس-2015» بايقاۋىنا دايىندىق ۇستىندە - فوتو
دەپ حابارلايدى ق ر ق م باسپا ءسوز قىزمەتى.
«قازاقستاندىق ۇشقىشتار العاش رەت وسى حالىقارالىق بايقاۋعا قاتىسقالى وتىر، ءبىز قازاقستاندى لايىقتى دەڭگەيدە كورسەتۋ ءۇشىن بار كۇش- جىگەرىمىزدى سالامىز. ۇشقىشتاردىڭ كوڭىل- كۇيى سەرگەك، جۇلدەلى ورىن الۋعا ءۇمىتتىمىز. اۆياتورلاردىڭ دايارلىعى بارىسىندا جۇپتاسقان اۋە پيلوتاجدارى، اۋە جولىنىڭ اشىلۋى، ماقساتتى انىقتاۋ جانە جەڭۋ پىسىقتالدى»، - دەدى شىمكەنت قالاسىنا قاراستى 55652 اسكەري ءبولىمىنىڭ تاربيە جانە الەۋمەتتىك- قۇقىقتىق جۇمىستار جونىندەگى كومانديردىڭ ورىنباسارى پودپولكوۆنيك جاندوس نۇرىمبەتوۆ.
ۇشۋ ەكيپاجدارىن ىرىكتەۋ ءبىر اي بۇرىن باستالعان بولاتىن. قازاقستاندىق اسكەري- اۋە كۇشتەرىنىڭ اتىنان حالىقارالىق بايقاۋدا ميگ-29, سۋ-25, سۋ-27 جانە مي-8 ۇشاقتارى مەن تىكۇشاقتارىنىڭ ەكيپاجدارى قاتىسادى. ۇشۋ قۇرامى بايقاۋعا بەلسەندى دايارلىق ۇستىندە. اۋەايلاقتاردا ينجەنەرلىك- تەحنيكالىق قۇرام جانە جەر ءۇستى ۇشۋلارىن قامتاماسىز ەتەتىن ماماندار تولىق دايارلىقتان ءوتتى. ۇشاقتار مەن تىكۇشاقتاردىڭ قوزعالتقىشتارى مەن اپپاراتۋرالارى كۇن سايىن تەكسەرۋدەن وتەدى. بايقاۋدا ۇشاقتار مەن تىكۇشاقتار ەكيپاجدارى ءۇشىن ۇشۋ تاپسىرماسى بويىنشا كوزبەن شولاتىن اۋە بارلاۋى باعىتىمەن، ايماققا، جاي پيلوتاج جانە كىشى بيىكتىكتە جۇپتاسىپ ۇشاتىن بولادى.
بايقاۋدىڭ ماقساتى اۋە جولىندا جەر ءۇستى وبەكتىلەرىن ىزدەستىرۋدى جانە جۇپ قۇرامىندا جاي پيلوتاجدىڭ كەسكىنىن ورىنداۋدا ۇشۋ ەكيپاجدارىنىڭ داعدىلارىن باعالاۋ بولىپ تابىلادى. بارلىق ۇشۋلار قولايلى مەتەورولوگيالىق جاعدايدا ىسكە اسىرىلادى.
