بەيبىت ىستىبايەۆ - «قازاقستان بارىسى-2015» تۋرنيرىنىڭ جەڭىمپازى

استانا. قازاقپارات - بەيبىت ىستىبايەۆ 2015 - جىلعى «قازاقستان بارىسى» اتاندى. ول استانادا ءوتىپ جاتقان ۇلت كوشباسشىسى - قازاقستان رەسپۋبليكاسىنىڭ پرەزيدەنتى ن.ءا.نازاربايەۆتىڭ جۇلدەسى ءۇشىن قازاق كۇرەسىنەن «قازاقستان بارىسى» V رەسپۋبليكالىق تۋرنيرىندە جەڭىمپاز بولدى.

 ول وسىلايشا «قازاقستان بارىسى» جەڭىمپازى اتانىپ، التىن بەلبەۋىن يەلەندى.

اقتىق ايقاسقا «تاراز ارلانى» لاقاپ اتىمەن شىعىپ جۇرگەن بەيبىت ىستىبايەۆ «سىر ارلانى» رۋسلان ابدىرازاقوۆپەن بەلدەسكەن ەدى. ەكى ءاپايتوس پالۋان ءبىرازعا دەيىن ءبىر-بىرىن ەڭسەرە المادى. الايدا، ۇپاي سانىمەن بەيبىت ىستىبايەۆ جەڭىسكە جەتتى.

ايتا كەتەرلىگى، 2012 - جىلى «قازاقستان بارىسى» اتانعان بەيبىت ىستىبايەۆ اراعا ءۇش جىل سالىپ سول جەتىستىگىن قايتالادى. وسىلايشا، قازاق كۇرەسىنەن تۋرنيردى ەكى مارتە جەڭىپ العان ءبىر عانا بارىس ول - بەيبىت ىستىبايەۆ بولىپ وتىر. «قازاقستان بارىسى-2015» V رەسپۋبليكالىق تۋرنيرىنىڭ جەڭىمپازى ب. ىستىبايەۆقا 150 مىڭ ا ق ش دوللارى، ال ونىڭ جاتتىقتىرۋشىسى بەرىلدى.

ايتا كەتەيىك، جەڭىمپازعا «قازاقستان بارىسى» جۇلدەسىن «سامۇرىق قازىنا» قورىنىڭ باسقارما ءتوراعاسى ءومىرزاق شوكەيەۆ پەن استانا قالاسىنىڭ اكىمى ادىلبەك جاقسىبەكوۆ تابىس ەتتى. ونىڭ باپكەرىنە 50 مىڭ دوللار ءتيدى.

ال كۇمىس جۇلدەگەر رۋسلان ءابدىرازاقوۆ 30 مىڭ ا ق ش دوللارىن السا، قولانى يەلەنگەن پالۋان عاني سەيدىلدايەۆ 10 مىڭ ا ق ش دوللارىن الدى. ايتا كەتەرلىگى، «جەڭىسكە جىگەرى» ءۇشىن ارنايى جۇلدەنى تاماشا تارتىستى بەلدەسۋ كورسەتكەن نۇرىم سالىمگەريەۆ يەلەنىپ، وعان «سامۇرىق-قازىنا» قورىنان اۆتوكولىك سىيلاندى.

ايتۋلى دودانى ق ر پرەزيدەنتى نۇرسۇلتان نازاربايەۆ تاماشالاعان بولاتىن. بۇل تۋرنيردى قازاقستاننىڭ ۇلتتىق ارناسى مەن «Kazsport»، سونداي-اق تۇركيانىڭ «ت ر ت» ارناسى جانە رەسەيدىڭ «بوەتس» ارناسى دا تىكەلەي يەفيردە تاراتتى.

اۆتور: قانات مامەتقازى ۇلى