بەس ەلدىڭ بارلاۋشىلارى «التىن ۇكى - 2015» كۋبوگى ءۇشىن سايىسقا تۇسەدى
بەس كۇن ىشىندە مىقتى بارلاۋ توبى اتاعىنا بەلارۋس رەسپۋبليكاسى، قىتاي حالىق رەسپۋبليكاسى، رەسەي فەدەراتسياسى، امەريكا قۇراما شتاتتارىنىڭ ارنايى ماقساتتاعى جاساقتارى جانە قازاقستان رەسپۋبليكاسى قورعانىس مينيسترلىگى ارنايى ماقساتتاعى بولىمشەلەرىنىڭ جاۋىنگەرلەرى سايىساتىن بولادى. جارىسقا قاتىسۋشىلاردى اۋقىمدى باعدارلاما كۇتىپ تۇر، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
ءارتۇرلى قاشىقتىقتاردا نىسانالار بويىنشا ىعىسىپ، ىڭعايسىز قالىپتا ستاندارتتىق ەمەس نىسانالار بويىنشا وق اتۋ. جاۋىنگەرلەرگە مينالىق- قوپارۋ ءىسىن، كەدىر- بۇدىرلى جەردە ازيمۋت بويىنشا دەسانتتاۋ جانە قوزعالۋدى كورسەتۋ قاجەت بولادى. سوڭعى جانە ەڭ كۇردەلى كەزەڭدە قاتىسۋشىلار 43 جەرءۇستى جانە سۋ كەدەرگىلەرىنەن تۇراتىن بارلاۋشىنىڭ سوقپاعىن، سونداي- اق تاۋلى ۋچاسكەنى ەڭسەرۋدە وزدەرىنىڭ كۇشتەرىن، ايلا- ءتاسىلى مەن توزىمدىلىگىن تەكسەرەدى.
سوقپاقتىڭ جالپى ۇزىندىعى 5 شاقىرىمنان اسىپ جىعىلادى. «التىن ۇكى» حالىقارالىق سايىسى شىنايى جاۋىنگەرلىك ءىس- قيمىلدارعا قاتىسۋشىلاردىڭ جوعارى مورالدىق- پسيحولوگيالىق، اسكەري- ارنايى جانە دەنە دايىندىعىن قالىپتاستىرۋعا جانە ۇستاپ تۇرۋعا ىقپال ەتەدى. بەس كۇندىك دودا بارىسىندا بارلاۋشىلار ءاربىر اسكەري قىزمەتشىنىڭ جاۋىنگەرلىك جانە دەنە دايارلىعىنىڭ دەڭگەيىن جانە جالپى توپتىڭ ۇيلەسىمدىلىگىن سىننان وتكىزەدى. ەڭ باستىسى، ارنايى ماقساتتاعى بولىمشەلەردىڭ جاۋىنگەرلەرىن دايىنداۋ ادىستەمەلەرى جانە وزىق تاجىريبەمەن الماسادى.
ەسكە سالار بولساق، 2013 جانە 2014 - جىلدارى قازاقستان رەسپۋبليكاسى قورعانىس مينيسترلىگى ارنايى ماقساتتاعى بولىمشەلەردىڭ جاۋىنگەرلەرى وسى سايىستاردىڭ ابسوليۋتتىك جەڭىمپازدارى اتانعان بولاتىن.
