08:08, 18 - ماۋسىم 2015 | GMT +5
ون توعىز جاسار ايدانا قانايبايەۆا «تالدىقورعان ارۋى-2015» اتاندى - فوتو
تالدىقورعان. قازاقپارات - «تالدىقورعان ارۋى-2015» بايقاۋىنىڭ اقتىق سىنى ءىلياس جانسۇگىروۆ اتىنداعى مادەنيەت سارايىندا ءوتتى.
بايقاۋ فينالىنا ىرىكتەۋ سىنىنان وتكەن 12 بويجەتكەن شىقتى. بارلىق قاتىسۋشىلار سۇلۋلار سايىسىنا زور ازىرلىكپەن كەلگەندەرىن بايقاتتى.
قازىلار القاسىنىڭ قۇرامىندا ءسان بيزنەسىنىڭ جانە بۇقارالىق مەديا وكىلدەرى، سونداي-اق تالدىقورعان قالاسىنىڭ اكىمى ەرمەك الپىسوۆ بولدى.
بايقاۋ قورىتىندىسى بويىنشا ءىلياس جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ 19 جاسار ستۋدەنتى ايدانا قانايبايەۆا جەڭىمپاز اتاندى. ونىڭ ايتۋىنشا، ارۋ ءتاجىن كيۋىنە ونىڭ بالا كەزىنەن ۇلتتىق ءبي بيلەۋمەن اينالىسۋى كوپ سەپتىگىن تيگىزگەن.
