14:16, 19 - مامىر 2015 | GMT +5
قازاقستان 2015-جىلى دۇنيەجۇزىلىك ساۋدا ۇيىمىنا مۇشە بولىپ كىرەدى - ك. ءماسىموۆ
استانا. قازاقپارات - بيىل قازاقستان دۇنيەجۇزىلىك ساۋدا ۇيىمىنا مۇشەلىككە ەنەدى.
بۇگىن استانادا ليتۆا پرەمەر-ءمينيسترى الگيرداس بۋتكيەۆيچيۋستىڭ قاتىسۋىمەن وتكەن كەلىسسوزدەردەن كەيىن ق ر ۇكىمەتىنىڭ باسشىسى كارىم ءماسىموۆ وسىلاي ءمالىم ەتتى.
بۇگىن شاعىن جانە كەڭەيتىلگەن قۇرامداعى كەلىسسوزدەر بارىسىندا ءوزارا ىنتىماقتاستىقتىڭ اۋقىمدى ماسەلەلەرى تالقىلانعانىنا توقتالعان ك. ءماسىموۆ، بۇل تۇرعىدا كولىكتىك ماسەلەلەرگە، ءوزارا ينۆەستيتسيالارعا ەرەكشە ءمان بەرىلگەندىگىن اتاپ ءوتتى.
«قازاقستان بيىل دۇنيەجۇزىلىك ساۋدا ۇيىمىنا كىرۋدى جوسپارلاپ وتىر. وسى ورايدا قازاقستاننىڭ وسى ۇيىمعا ەنۋىنە قولداۋ كورسەتكەنى ءۇشىن ەۋروپالىق وداق پەن ليتۆاعا العىسىمىزدى بىلدىرەمىز»، - دەدى ق ر ۇكىمەتى باسشىسى.
