ورالدا «باعدارشام-2015» جاس جول ينسپەكتورلارىنىڭ سلەتى مارەگە جەتتى - فوتو
ب ق و ىشكى ىستەر دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، ەكى كۇنگە سوزىلعان بايقاۋعا وبلىس اۋداندارى مەن ورال قالاسىنان 13 كوماندا قۇرامىندا 130 وقۋشى قاتىستى.
ولار ساپتىق بايقاۋ، جول قوزعالىسى ەرەجەلەرىنىڭ بىلگىرلەرى، ۆەلوسيپەدتى مانەرلەپ تەبۋ، جاس رەتتەۋشى، جاس سانيتار، جاس جول ينسپەكتورلارى تۋرالى ءان بايقاۋى، «مەنىڭ جاساعىم» اتتى تانىستىرىلىم، ۇگىت بريگاداسى، بىلىمدىلەر سايىسى، بارلىعى توعىز تۇرىنەن سىنعا ءتۇستى. الدىمەن ءار كوماندا وزىندىك كيىم ۇلگىسىمەن ەرەكشەلەنسە، سونداي- اق ۇراندارى مەن ساپتىق قوزعالىستارىمەن كوزگە تۇسە ءبىلدى.
ب ق و ءى ءى د اكىمشىلىك پوليتسياسى باسقارماسىنىڭ اعا ينسپەكتورى نۇرتاي لەزوۆتىڭ ايتۋىنشا، سلەت وسىمەن 15- رەت ۇيىمداستىرىلىپ وتىر. 2006 - جىلى ب ق و- نىڭ «بالداۋرەن» كومانداسى بۋرابايدا وتكەن رەسپۋبليكالىق سلەتتە ءبىرىنشى ورىندى يەلەنگەن بولاتىن. سوعان سايكەس 2007 - جىلى رەسپۋبليكالىق سلەت ورالداعى «دارىن» قوسىمشا ءبىلىم بەرۋ ورتالىعىندا وتكىزىلدى.
بيىلعى وبلىستىق سلەتتىڭ جەڭىمپاز كومانداسى شىلدە ايىندا قوستاناي قالاسىندا وتەتىن رەسپۋبليكالىق سايىسقا باراتىن بولادى.
سلەت قورىتىندىسىندا اقساي قالاسىنداعى №4 ورتا مەكتەپ كومانداسى - ءبىرىنشى، ورالداعى №44 ورتا مەكتەپ پەن «جانىبەكتىكتەر» - ەكىنشى، زەلەنوۆ، قازتالوۆ، تەرەكتى اۋداندارىنان كەلگەن جاس جول ساقشىلارى ءۇشىنشى ورىندى ەنشىلەدى.
