13:09, 02 - مامىر 2015 | GMT +5
پەتروپاۆلدا «اسسامبلەيا ارۋى-2015» بايقاۋىنىڭ جەڭىمپازى انىقتالدى - فوتو
پەتروپاۆل. قازاقپارات - پەتروپاۆلدا قازاقستان حالقىنىڭ بىرلىگى كۇنىندە «اسسامبلەيا ارۋىن» تاڭدادى. وبلىس ورتالىعىنىڭ الاڭىندا وتكەن بايقاۋعا ءتۇرلى ۇلتتاردىڭ التى وكىلى قاتىستى.
«بايقاۋ 4 كەزەڭنەن تۇردى. ءبىرىنشى - تانىستىرۋ، ەكىنشىسىندە قاتىسۋشىلار ۇلتتىق كيىمدەرىن كورسەتتى، ءۇشىنشى كەزەڭدە - ۇلتتىق تاعامداردى كورسەتىپ، سولار جايلى اڭگىمەلەۋلەرى كەرەك بولدى.
ءتورتىنشى، شىعارماشىلىق كەزەڭدە قىزدار انا تىلدەرىندە ءان ايتىپ، بي بيلەدى. قاتىسۋشىلاردىڭ جاسى 18 دەن 30 جاس ارالىعىندا بولدى. باستى سىيلىق - «اسسامبلەيا ارۋى» ءتاجى»، - دەدى «قوعامدىق كەلىسىم» ك م م جەتەكشىسى دينا ءابىلماجىنوۆا.
بايقاۋ قورىتىندىسى بويىنشا م. قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ جاستار ءىسى جونىندەگى كوميتەتىنىڭ ءتورايىمى گۇلميرا تاناقۇلوۆا «اسسامبلەيا ارۋى» اتاندى.
