سايلاۋ-2015: استانادا ق ر پرەزيدەنتىگىنە كانديدات ن. نازاربايەۆتى جاقتاۋشىلاردىڭ فورۋمى ءوتتى
فورۋم قاتىسۋشىلارى - رەسپۋبليكالىق قوعامدىق شتابتىڭ، استانا قالالىق قوعامدىق شتابىنىڭ مۇشەلەرى، قازاقستان رەسپۋبليكاسى پرەزيدەنتتىگىنە كانديداتتىڭ ساياسي پارتيالار، ۇكىمەتتىك ەمەس ۇيىمدار، عىلىمي جانە شىعارماشىلىق ينتتەلليگەنتسيا وكىلدەرى اراسىنان سەنىمدى وكىلدەرى، قازاقستان رەسپۋبليكاسى پارلامەنتى مەن استانا قالاسى ءماسليحاتىنىڭ دەپۋتاتتارى، جاستار بەلسەندىلەرى، سپورتشىلار، بيزنەس وكىلدەرى، الماتى، قوستاناي، جامبىل جانە قاراعاندى وبلىستارىنان كانديداتتىڭ سەنىمدى وكىلدەرى.
اتاپ ايتقاندا، رۋدنىي قالاسىنان «س س ك و ب» زاۋىتىنىڭ جۇمىسشىسى رۋسلان يسمۇحامبەتوۆ فورۋمدا قازاقستاننىڭ بارلىق ەڭبەككەرلەرى جانە اسىرەسە مەتاللۋرگتەر نۇرسۇلتان نازاربايەۆقا داۋىس بەرەدى، دەپ مالىمدەدى.
«كەنشىلەر تاڭداۋى - تەمىردەي. ءبىز ەلباسىمەن بىرگە قۇرىشتاي شىنىققانبىز، ءبىزدىڭ قانىمىزدا ىستىق بولاتتىڭ قىزۋى بار. 2015 -جىلعى 26 ساۋىردە 20 مىڭ كەنشى بارلىعى دا ءبىر كىسىدەي سايلاۋ ۋچاسكەلەرىنە كەلىپ، ۇلت كوشباسشىسى ءبىزدىڭ ەلباسى نۇرسۇلتان ءابىش ۇلى نازاربايەۆ ءۇشىن داۋىس بەرەدى»، دەپ اتاپ كورسەتتى ر. يسمۇحامبەتوۆ.
قازاقستاننىڭ ەتنومادەني بىرلەستىكتەرى اتىنان ق ح ا مۇشەسى تارازدان فەدور كليمەنكو ءسوز سويلەدى.
«سوناۋ 1995 - جىلى الماتىدا قازاقستان حالقى اسسامبلەياسىنىڭ ءبىرىنشى سەسسياسى بولدى، سول كەزدە پرەزيدەنتىمىزگە جۇرتتىڭ ءبارى بىردەي سەنگەن جوق. ەلدە نان بولمادى، ەڭبەكاقى، زەينەتاقى جوق، ال نازاربايەۆ قايداعى ءبىر اسسامبلەيا دەگەندى قۇرىپ جاتىر، دەدى، ءبىراق تا جىلدار ءوتتى جانە كەشە سەسسيادا بۇكىل الەم بۇل قازاقستاننىڭ ناعىز ەرلىگى ەكەنىن كورىپ ءبىلدى. سوندىقتان دا كۇمان جوق، ءبىز كەلىسىم ءۇشىن، نازاربايەۆ ءۇشىن داۋىس بەرەمىز»، - دەپ اتاپ ءوتتى ف. كليمەنكو.
شىعارماشىل جاستار اتىنان «استانا وپەرا» ءانشىسى سالتانات احمەتوۆا ءسوز سويلەدى.
«ءبىزدىڭ ءارقايسىمىز بولاشاقتا قازاقستان قانداي بولاتىنىنا جانە ءبىزدىڭ بالالارىمىز قازاقستاندى قالاي كورەتىنىنە جاۋاپتىمىز. كۇشتى قازاقستانعا كۇشتى كوشباسشى كەرەك. ناق سوندىقتان دا 26 - ءساۋىر كۇنى ءبىز ءبىر كىسىدەي داۋىس بەرەمىز جانە جۇرەك جىلۋىن نازاربايەۆقا بەرەمىز»، - دەپ ءمالىم ەتتى س. احمەتوۆا.
فورۋمعا ەكى دۇركىن وليمپيادا چەمپيونى يليا يلين دە قاتىستى. ول نۇرسۇلتان نازاربايەۆ قازاقستاندى چەمپيوندار ەلىنە اينالدىرعانىن اتاپ كورسەتتى.
«ەلباسىنىڭ ارقاسىندا ءبىز 13 وليمپيادالىق مەدالدى جەڭىپ الدىق، لوندون وليمپياداسىندا 12- ورىنعا تابان تىرەدىك. بۇل وڭايعا تۇسكەن جوق. مەن دە چەمپيونمىن جانە چەمپيون ءۇشىن، نۇرسۇلتان نازاربايەۆ ءۇشىن داۋىس بەرەمىن»، - دەپ اتاپ ءوتتى ي. يلين.
نۇرسۇلتان نازاربايەۆتى قولداۋ فورۋمى بۇگىن ەلىمىزدىڭ بارلىق ايماقتارىندا ءوتتى. ولاردىڭ ءبارى دە ءبىراۋىزدان ءبىزدىڭ رەسپۋبليكامىزعا كۇشتى كوشباسشى - نۇرسۇلتان ءابىش ۇلى نازاربايەۆ كەرەك ەكەندىگىن مالىمدەدى.
