سايلاۋ-2015: كانديدات ن. نازاربايەۆتىڭ قوعامدىق شتابىنىڭ مۇشەلەرى سولتۇستىك قازاقستان تۇرعىندارىمەن كەزدەستى
دەلەگاتسيا قۇرامىندا رەسپۋبليكالىق قوعامدىق شتاب باسشىسى مۇحتار قۇل-مۇحاممەد، قازاقستان حالقى اسسامبلەياسى ءتوراعاسىنىڭ ورىنباسارى اناتولي باشماكوۆ، قازاقستان پاتريوتتارى پارتياسىنىڭ ءتوراعاسى عاني قاسىموۆ، «اق جول» دەموكراتيالىق پارتياسىنىڭ ءتوراعاسى ازات پەرۋاشەۆ، «بىرلىك» پارتياسىنىڭ ءتوراعاسى سەرىك سۇلتانعالي، ق ر پارلامەنتىنىڭ دەپۋتاتتارى مايرا ايسينا، باقىتجان ەرتايەۆ، ايگۇل سولوۆيەۆا جانە اباي تاسبولاتوۆ، ۇ ە ۇ، عىلىمي جانە شىعارماشىل زيالى قاۋىم مۇشەلەرى، سونداي-اق بەلگىلى قوعام قايراتكەرلەرى بار.
ن. پوگودين اتىنداعى ورىس دراما تەاترىنىڭ زالىندا وبلىس اكتيۆىمەن كەزدەسۋ ءوتتى. جيىندا تاۋەلسىز ەلىمىزدىڭ دامۋىنا ەلباسىنىڭ قوسقان ۇلەسى ەرەكشە ەكەنى اتاپ ءوتىلدى. ايماق جاستارى اتىنان كەزدەسۋدە تەلەكوممۋنيكاتسيالىق كومپانيانىڭ قىزمەتكەرى ەلەنا كوسەنكوۆا ءسوز سويلەدى. ونىڭ ايتۋىنشا، قازاقستاندىقتاردىڭ جاس ۇرپاعى نۇرسۇلتان نازاربايەۆتىڭ باعىتىن قولدايدى.
«پرەزيدەنت جاستارعا ەرەكشە كوڭىل بولەدى. ءبىز ءۇشىن ول ەڭ وزىق مەكتەپتەر مەن ۋنيۆەرسيتەتتەردى سالىپ بەردى، ەلباسى ءبىز ءۇشىن «بولاشاق» جانە «ديپلوممەن اۋىلعا!» باعدارلامالارىن جاسادى. بۇگىندە قازاقستاندىق جاستاردا الەمدەگى ەڭ ۇزدىك ءبىلىم الۋعا، جاقسى جۇمىسقا ورنالاسۋعا مۇمكىندىكتەرى بار جانە ولار ءوز بولاشاعىنا سەنىممەن قارايدى. مەملەكەت باسشىسىنىڭ بۇل قامقورلىعىن باعالايمىز جانە تەك قانا نۇرسۇلتان نازاربايەۆقا داۋىس بەرەتىنىمىزدى ءبىراۋىزدان جەتكىزگىمىز كەلەدى»، - دەپ اتاپ ءوتتى ە. كوسەنكوۆا.
پەتروپاۆل اۋىر ماشينا جاساۋ زاۋىتىندا ر ق ش مۇشەلەرىمەن كەزدەسۋدە زاۋىت جۇمىسشىلارى ونەركاسىپتىك ءوندىرىستىڭ قارقىندى دامىپ كەلە جاتقانىنا توقتالدى. ماسەلەن، 2014 -جىلى ەلباسىنىڭ يندۋستريالىق- يننوۆاتسيالىق دامۋ باعدارلاماسى اياسىندا س ق و- دا 4,5 ميلليارد تەڭگەگە 4 نىسان سالىندى. مىڭداعان جۇمىس ورنى اشىلدى.
«پەتروپاۆل اۋىر ماشينا جاساۋ زاۋىتى» ا ق جۇمىسشىسى نينا شەربينينا بىلاي دەدى: «زاۋىتتا شامامەن 50 جىل جۇمىس ىستەيمىن. بۇل سايلاۋدا دا داۋىسىمدى ءبىزدىڭ كوشباسشىمىز - نۇرسۇلتان ءابىش ۇلى نازاربايەۆقا بەرەمىن. ويتكەنى پرەزيدەنتىمىزدىڭ تاراپىنان ۇنەمى قولداۋدى سەزىنەمىز! جۇمىسشىلار ەلباسىنا داۋىس بەرەدى».
كەلەسى كەزدەسۋ بارىسىندا وبلىستاعى ەتنومادەني بىرلەستىكتەردىڭ وكىلدەرى نۇرسۇلتان نازاربايەۆتىڭ قازاقستان حالقىنىڭ بىرلىگىن نىعايتۋداعى ەرەكشە ءرولىن اتاپ ءوتتى.
«قازاقستان - ءبىزدىڭ وتانىمىز، ءبىز تۋعان جەرىمىزدەگى بەيبىتشىلىك ءۇشىن جاۋاپتىمىز. ءبىز - ەتنومادەني بىرلەستىكتەردىڭ وكىلدەرى - پرەزيدەنتىمىزگە بىرلىك پەن اۋىزبىرشىلىك، كەلىسىم مەن دوستىق ءۇشىن ريزامىز. مەن بالالارىم مەن نەمەرەلەرىمنىڭ بەيبىتشىلىك پەن كەلىسىم ورداسىندا ءومىر سۇرگەندەرىن قالايمىن. سوندىقتان نۇرسۇلتان ءابىش ۇلى نازاربايەۆقا داۋىس بەرەمىن!» - دەپ اتاپ ءوتتى «قازاقستاننىڭ ورىستار قاۋىمى» وبلىستىق فيليالىنىڭ ءتوراعاسى نيكولاي اۆدەيەۆ.
ر ق ش مۇشەلەرىنىڭ س ق و- عا جاساعان ساپارى «مولپرودۋكت» زاۋىتىندا اياقتالدى. ونىڭ جۇمىسكەرى ديانا حايرۋلينا كاسىپورىننىڭ 2009 -جىلى نۇرسۇلتان نازاربايەۆتىڭ قولداۋىنىڭ ارقاسىندا قۇرىلعانىن اتاپ ءوتتى.
