قازاقستاندا اسكەري «دالا قىرانى-2015» بىتىمگەرشىلىك وقۋ-جاتتىعۋى باستالدى - فوتو
بۇل تۋرالى ق ر ق م باسپا ءسوز قىزمەتى حابارلادى.
ءبىرىنشى كەزەڭنىڭ اشىلۋ راسىمىنە امەريكا قۇراما شتاتتارىنىڭ جانە ۇلى بريتانيانىڭ، سونداي-اق ق ر ق ك اەرو ۇتقىر اسكەرلەرىنىڭ «قازبريگ» بىتىمگەرشىلىك بريگاداسىنىڭ 100 گە جۋىق اسكەري قىزمەتشىسى قاتىستى. سالتاناتتى ءراسىمدى اەرو ۇتقىر اسكەرلەرىنىڭ قولباسشىسى گەنەرال-مايور داۋلەت وسپانوۆ ءسوز سويلەپ اشتى.
سونىمەن قاتار ا ق ش اسكەري اتاشەسى ەندريۋ بەريەر جانە ۇلى بريتانيانىڭ وكىلى مايور بەنجامەن سولت قۇتتىقتاۋ سوزدەرىن ايتتى.
ەستەرىڭىزگە سالا كەتسەك، بيىل وقۋ-جاتتىعۋ ءۇشىنشى رەت وتكىزىلىپ وتىر. ءبىرىنشى كەزەڭى ءساۋىر ايىنىڭ 6-17 ارالىعىندا وتسە، ال ەكىنشى كەزەڭى ماۋسىم ايىنىڭ 15-26 كۇندەرى وتەدى.
ءىس-شارانىڭ باستى ماقساتى قازاقستاندىق بىتىمگەرشىلىك بريگاداسىنىڭ شتابى مەن قازاقستاندىق بىتىمگەرلىك باتالوننىڭ ب ۇ ۇ بىتىمگەرشىلىك وپەراتسيالارىن جۇرگىزۋ بارىسىنداعى پراكتيكالىق داعدىسىن، سونداي-اق قارسىلاس تاراپتار اراسىنداعى جانجال جاعدايىندا بىتىمگەرلىك ءىس-قيمىلداردى ورىنداۋ كەزىندە بولىمشەلەردىڭ جاۋىنگەرلىك ۇيلەسىمدىلىگىن ارتتىرۋ بولىپ تابىلادى.
